DIRETÓR EZEKUTIVU ADN I.P, HALO INTERVESAUN IHA SESAUN ENSERAMENTU WORKSHOP “APREZENTASAUN RELATÓRIU ASESMENTU IGUALDADE JÉNERU NO INKLUZAUN SOSIÁL IHA SETÓR INFRAESTRUTURA”
Hotel Timor, kinta-feira, 5 Maiu 2022, Diretór Ezekutivu ADN, I.P, Eng. Mariano Renato Monteiro da Cruz, hato’o ninia intervesaun iha workshop “Aprezentasaun ba Relatóriu Prelemináriu ba Asesmentu Igualdade Jéneru no Inkluzaun Sosiál iha Setór Infraestrutura” ne’ebé akompaña mós husi Adjunto Diretór Ezekutivu, Eng. Januario M. Guterres, koordenadores no asesor sira.
DIRETÓR EZEKUTIVU ADN.IP HALA'O ENKONTRU HO GABINETE DIRETOR JERAL ARKIVU NASIONÁL
Loron-sesta, 22 Abril 2022: Diretór Ezekutivu Ajénsia Dezenvolvimentu Nasionál, Institutu Públiku (ADN, I.P) Eng. Mariano Renato Monteiro da Cruz, akompaña husi Adjunto Diretór Eng. Januario Maia Guterres no Xefi Departamentu Edifísiu Públiku Água no Saneamentu Arq. Franscisco Xavier de Deus Jeronimo, atualiza progresu serbisu instalasaun fatin serimónia tomada de posse Prezidente Repúblika períudu 2022-2027 nomós selebrasaun ba restaurasaun independénsia 20 maio ne’ebé sei hala’ao iha Tasi Tolu. Aprezentasaun ne’e hala’o iha salaun enkontru Ministériu Administrasaun Estatal, Díli.
ADN.IP HAMUTUK HO SEII HALA'O ENKONTRU HO STEERING COMMITTEE MEMBER
Loron-kinta, 21 Abril 2022: ADN,I.P Hamutuk ho Sekretária Estadu ba Igualdade no Inkluzaun (SEII) organiza reuniaun téknika Virtual entre steering Committee member hodi diskuti rezultadu preliminary ba asessmentu “ Gender and Social Inclusion in Public Infrastructure Projects in Timor-Leste” bazeia ba rezultadu konsultasaun mak halo ona ho entitidades Governu, sosiedade civil no parseiru dezenvolvimentu sira iha fulan hirak ba kotuk, Relatóriu ida ne’e hakerek no aprezenta husi the Asia Foundation (TAF) ho apoiu husi DFAT liuhusi programa the Partnership for Infrastructure (P4I).
ADN,IP FASILITA FORMASAUN BA ENJEÑEIRU PDIM
Díli-kuarta, 13 Abril 2022: Diretór Ezekutivu Ajénsia Dezenvolvimentu Nasionál, Institutu Públiku (ADN, IP) Eng. Mariano Renato Monteiro da Cruz halo abertura ba atividade formasaun ba tékniku arkitetura no enjeñeiru Programa Dezenvolvimentu Integradu Munisipál (PDIM) husi munisípiu 12 inklui mós Dili ho tema Kualidade tékniku determina kualidade obra iha salaun Delta Nova.
CAC HALO AUDIÉNSIA HO ADN, IP KONA-BA AUTO AVALIASAUN BA KONVENSAUN NASAOENS UNIDAS KONTRA KORRUPSAUN (sigla-inglés UNCAC)
Loron-tersa, 12 Abril 2022: Diretór Ezekutivu Eng. Mariano Renato M. da Cruz ho Adjunto Diretór Ezekutivu Eng. Januario M. Guterres akompaña mós husi Koordenadór sira hala’o sorumutu audiénsia husi CAC ne’ebé reprezenta husi Komisariu Adjuntu ba Apoiu Tékniku no Kooperasaun, Sr. Alexander Freitas Gusmão ho ekipa hodi ko’alia kona-ba oinsa mak Instituisaun ADN bele kompleta informasaun ba implementasaun Auto Avaliasaun ba Konvensaun Nasaoens Unidas Kontra Korrupsaun (UNCAC) iha medidas preventivas korrupsaun liga ho ANP nia servisu ne’e audiénsia ne’e hala’o iha salaun enkontru MPO/ADN, Fatuhada Díli.
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;