DIRETÓR EZEKUTIVU AKOMPAÑA VISE-MINISTRU OBRAS PÚBLIKAS APREZENTA RELATÓRIU INSPESAUN NO VERIFIKASAUN PROJETU P44 BA KOMISAUN E PARLAMENTU NASIONÁL
Loron sesta, 10 Juñu 2022, Diretór Ezekutivu Ajénsia Dezenvolvimentu Nasionál, Institutu Públiku (ADN, I.P.) ho Koordenadora Emerenciana da Costa Maia Freitas (UCVQ) Eng. Emerenciana da Costa Maia Freitas akompaña Vise-Ministru Obras Públikas Nicolau Lino Freitas Belo no ekipa halo aprezentasaun relatóriu inspesaun no verifikasaun ba projetu P44 ba komisaun E Parlamentu Nasionál ne’ebé trata ba asuntu infraestrutura iha sala GMPTL.
ADN, I.P. LIU HUSI KOORDENADÓR UGA FÓ APRESIASAUN NO AGRADESIMENTU BA ESTAJIÁRIA UNPAZ
Loron-kuarta, 8 Juñu 2022, Ajénsia Dezenvolvimentu Nasionál (ADN, I.P.) liu husi Koordenadór Unidade Gestaun Administrativa (UGA) Sr. Nelson Soares Pinto hato’o apresiasaun no agradesimentu ba Universidade da Paz (UNPAZ) liu husi Dosente Oreintadór Sr. Cristino Gusmão SE.MM ne’ebé bele eskolla ona Ajénsia Dezenvolvimentu Nasionál (ADN, I.P.) liu-liu iha Unidade Gestaun Administrativa hodi disponibiliza estájiaria Ilda Carlota Freitas Belo husi Faculdade Ekonomia, Departamentu Jestaun hodi mai aprende kona-ba sistema jestaun finansas no administrativa. Sala reuniaun UGA.
DIRETÓR EZEKUTIVU ASISTE ASINATURA KONTRATU AKIZISAUN NO INSTALASAUN KABU SUBMARINU FIBRA ÓPTIKA ENTRE GOVERNU TIMOR-LESTE HO KOMPAÑIA ALCATEL SUBMARINE NETWORKS (ASN)
Loron-tersa, 31 Maiu 2022: Diretór Ezekutivu Ajénsia Dezenvolvimentu Nasionál, Institutu Públiku (ADN, IP) Eng. Mariano Renato Monteiro da Cruz, akompana husi Koordenador Gestaun Administrativa Sr. Nelson Soares Pinto, Asesora Sra. Epi Orleães nomós Assessor ICT Sr. Romualdo Duarte Guterres ne'ebe hanesan mós Koordenadór grupu tékniku interministeriál ba projetu Cabo Fibra Optica-Timor-Leste South Submarine Cable (TLSSC) partisipa iha serimonia asinatura entre Governu Timor-Leste no kompañia Alcatel Submarine Networks (ASN) kona-ba Kontratu Akizisaun no Instalasaun Kabu Submarinu Fibra Óptika, ne'ebe hala'o iha Palacio do Governo.
DIRETÓR EZEKUTIVU HO EKIPA PARTISIPA ENSERAMENTU KOMISAUN ORGANIZADORA PREPARASAUN SERIMÓNIA OFISIÁL 20 DE MAIO NO INVESTIDURA BA PREZIDENTE REPÚBLIKA PERÍODU 2022-2027
Díli, 27 Maiu 2022 – Diretór Ezekutivu ADN, I.P. Eng. Mariano Renato M. da Cruz akompaña husi Diretór Adjuntu Eng. Januario M Guterres no ekipa partisipa iha serimónia enseramentu Komisaun Organizadora preparasaun 20 de maio no investidura ba Prezidente Repúblika períodu 2022-2027, iha salaun konferénsia MNEC, praia dos coqueiros.
ANETL HO ADN REALIZA SERIMÓNIA ASINATURA MEMORANDO DE ENTENDIMENTO
Loron-kuarta, 25 Maiu 2022: Diretór Ezekutivu Ajénsia Dezenvolvimentu Nasionál, Institutu Públiku (ADN, IP) Eng. Mariano Renato Monteiro da Cruz akompaña husi Adjuntu Eng. Januario M. Guterres hamutuk ho koordenadór no tékniku sira realiza serimónia asinatura Memorando de Entendimento entre Asosiasaun Nasionál Enjeñeiru Timor Leste (ANETL) ho ADN.IP, iha Salaun enkontru MPO/ADN.
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;