ADN, I.P. PARTILLA INFORMASAUN KONA-BA NIA KNAAR BA FUNSIONARIU PROBATÓRIU MPO

Díli, 3 Fevereiru 2023: Ajénsia Dezenvolvimentu Nasionál, Institutu Públiku (ADN, I.P.) liu husi Unidade Estudu no Dezenvolvimentu Kompeténsia (sigla portugés UEDC) no Gabinete Apoiu ba Diretór Ezekutivu (GADE) partilla informasaun ba funsionáriu probatóriu Ministériu Planu Ordenamentu (MPO) kona-ba knaar ADN, I.P. no sistema serbisu ne’ebé utiliza iha serbisu rotina instituisaun nian.

Iha biban ne’e Koordenadora Unidade Estudu Dezenvolvimentu no Kompeténsia (silga portugés-UEDC) Arc. Valentina Violet Correia Bianco aprezenta kona-ba ezisténsia, perfíl no mós kompeténsia ne’ebé atribui ba ADN, I.P. bazeia ba dekretu lei no 60/2020 nu’udar institutu públiku.

Aleinde ne’e Asistente Ezekutivu Gabinete Apoiu Diretór Ezekutivu, Eng. Susana Sinala do Rego Amaral kontinua aprezenta sistema hirak ne’ebé ADN utiliza hodi halo kontrolu ba serbisu internál no mós externál hanesan Letter Management System (LMS), Project Management Information System (PMIS) no mós GIS ne’ebé iha hela progresu.

Sistema online hirak ne’ebé instituisaun aplika mak hodi rejistu projetu hotu ne’ebé aprova iha livru orsamentu jerál estadu (OJE) kada tinan no mós halo kontrolu ba implemetasaun projetu sira.

Iha aprezentasaun ne’e akompaña mós husi Diretór Ezekutivu, ADN, I.P. Koordenadór Unidade Gestão Administrativa, no kargu xefi sira husi MPO.