INSPESAUN KONJUNTA BA PROJETU ELETRISIDADE IHA COVALIMA.
- Publika husi: Maximiano
- Loron: 23/May/2025
Covalima, 23/05/2025. Tékniku Mekanika no Eletrisista ADN hamutuk ho Tékniku husi MOP,EDTL no KAK realiza inspesaun konjuntu iha Munisipiu Covalima.
Inspesaun konjunta ne’e foku liu ba projetu Eletrisidade PEN nian no durante inspesaun,ekipa detekta katak kompaña ne’ebé maka implementa projetu ida ne’e abandona hela sira nia servisu ho nune’e ekipa konjuntu rekomenda atu kompaña aselera servisu hodi finaliza projetu ida ne’e tuir deadline.
Projetu Eletrisidade PEN ida ne’e rasik implementa husi kompaña ERON POWER UNIPESOÁL LDA iha Suku Matai.
Iha oportunidade hanesan, ekipa tékniku ADN mós halo inspesaun ba instalasaun mekanikal no elektrikal ba projetu konstrusaun Uma Mahon Salele no daudaun ne’e fizikamente instalasaun atinze ona 90 persentase. Durante inspesaun, iha mós rekomendasaun ba kompaña atu kontinua fo atensaun molok finaliza Obra ida ne’e.
Inspesaun projetu konjunta ida ne’e núdar prosesu inspesaun no avaliasaun projetu ida hamutuk husi parte oin-oin ne'ebé iha interese, hanesan kontratór sira, na'in ba projetu, no parte sira seluk ne'ebé iha relasaun. Objetivu prinsipál husi inspesaun ne’e atu garante katak obra konstrusaun ne’e tuir espesifikasaun ne’ebé konkorda ona, padraun kualidade no rekizitu projetu nian. (Media_ADN)
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;