DIRETOR EZEKUTIVU AKOMPAÑA PREZIDENTE PARLAMENTU NASIONÁL OBSERVA FATIN PREPARASAUN TASI-TOLU
Loron-segunda, 16 Maiu 2022: Diretor Ezekutivu Eng. Mariano Renato Monteiro da Cruz, ho Adjuntu Diretór Eng. Januario M. Guterres akompaña Prezidente Parlamentu Nasionál Dr. Aniceto Guterres ho ekipa akompaña mós husi Prezidente Komisaun Organizadora S.E Ministru Administração Estatal, Sr. Miguel Pereira de Carvalho hodi observa direta Fatin Preparasaun Tasi-Tolu.
DIRETÓR EZEKUTIVU HALA’O ABERTURA BA TESTE ESKRITA FUTURU FUNSIONÁRIU ADN, I.P
Loron-segunda, 16 Maiu 2022: Diretór Ezekutivu ADN, IP Eng. Mariano Renato Monteiro da Cruz hala’o abertura teste eskrita ba konkorente futuru funsionáriu ADN, I.P na’in-197 ne’ebé’akompaña husi Koordenador Unidade Gestaun Administrativa Sr. Nelson Soares Pinto, Assessor Recursos Humanos Sr. Tomas Magno do Carmo, Assessor Ponte Estrada Sr. Santoso nomós ekipa tékniku sira iha salaun Auditório Kampus FECT Hera.
DIRETOR EZEKUTIVU AKOMPAÑA MINISTRA NEGÓSIU ESTRANJEIRU HODI HALO OBSERVASAUN BA FATIN PREPARASAUN TASI-TOLU
Loron Sesta, 6 Maio 2022: Diretór Ezekutivu Ajénsia Dezenvolvimentu Nasionál, Institutu Públiku (ADN, IP) Eng. Mariano Renato Monteiro da Cruz hamutuk ho nia Adjuntu Eng. Januario M.Guterres ho Sekretáriu Jerál Komisaun Organizadora Sr. Manuel Tilman akompaña Ministra Negósiu Estranjeiru no Kooperasaun Sra. Adaljiza Albertina Xavier Reis Magno hodi halo observasaun ba fatin preparasaun ba serimónia investidura ba Prezidente Repúblika eleitu ba períodu 2022-2027.
DIRETÓR EZEKUTIVU ADN I.P, HALO INTERVESAUN IHA SESAUN ENSERAMENTU WORKSHOP “APREZENTASAUN RELATÓRIU ASESMENTU IGUALDADE JÉNERU NO INKLUZAUN SOSIÁL IHA SETÓR INFRAESTRUTURA”
Hotel Timor, kinta-feira, 5 Maiu 2022, Diretór Ezekutivu ADN, I.P, Eng. Mariano Renato Monteiro da Cruz, hato’o ninia intervesaun iha workshop “Aprezentasaun ba Relatóriu Prelemináriu ba Asesmentu Igualdade Jéneru no Inkluzaun Sosiál iha Setór Infraestrutura” ne’ebé akompaña mós husi Adjunto Diretór Ezekutivu, Eng. Januario M. Guterres, koordenadores no asesor sira.
DIRETÓR EZEKUTIVU ADN.IP HALA'O ENKONTRU HO GABINETE DIRETOR JERAL ARKIVU NASIONÁL
Loron-sesta, 22 Abril 2022: Diretór Ezekutivu Ajénsia Dezenvolvimentu Nasionál, Institutu Públiku (ADN, I.P) Eng. Mariano Renato Monteiro da Cruz, akompaña husi Adjunto Diretór Eng. Januario Maia Guterres no Xefi Departamentu Edifísiu Públiku Água no Saneamentu Arq. Franscisco Xavier de Deus Jeronimo, atualiza progresu serbisu instalasaun fatin serimónia tomada de posse Prezidente Repúblika períudu 2022-2027 nomós selebrasaun ba restaurasaun independénsia 20 maio ne’ebé sei hala’ao iha Tasi Tolu. Aprezentasaun ne’e hala’o iha salaun enkontru Ministériu Administrasaun Estatal, Díli.
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;