INTERVENSAUN ADN, I.P. NIAN IHA RAEOA
ADN marka hikas nia prezensa iha RAEOA bazea ba komprimisu husi Primeiru Ministru (PM) ba Autoridade Foun RAEOA nian, ne’ebé maka dehan katak Governu Sentral Prontu fó apoiu saida deit ba autoridade RAEOA hodi hala’o sira nia kna’ar ho diak, hodi kontribui ba dezenvolvimentu Timor-leste.
Serimonia Hatúr Fatúk da-uluk ba Konstrusaun Dormitoriu Sentru Esperansa ba Feto iha Salele
Covalima, 24/07/2024. Diretór Ezekutivu ADN Sr. Rui Lourenço da Costa akompaña mós husi Eng. José Fernando Liu Soares no mós tékniku ADN ne’ebé maka destaka iha munisipiu Covalima parisipa iha serimonia hatúr fatúk da-uluk ba konstrusaun Dormitoriu Sentru Formasaun ba Feto ne’ebé maka Jere husi Madres SSpS, no lokaliza iha Salele, Suku Maudemo Postu Administrativu Tilomar, Munisipiu Covalima.
Serimonia Intrega Fatuk Maubise Limestone ba Governu
Ainaro, 11/07/2024. Diretór Ezekutivu ADN Sr. Rui Lourenço da Costa no Adjuntu Diretór Ezekutivu ADN Eng. Januario M. Guterres akompaña mós husi ekipa husi ADN, Presidente Autoridade Nasionál Minerais (ANM) no mós PAM maubisi partisipa iha serimonia Kulturál intrega fatuk Limestone husi Autoridade lokál ba iha parte Igreja hafin intrega ba parte Governu. Serimonia ida ne’e realiza iha Aldeia Hatu-fae, suku Maubisi, Postu Administratyivu Maubise Vila, Munisipiu Ainaro.
D.E ADN no Ekipa Akompaña Ministru MAPPF Dialogu ho Komunidade sira iha Uaibobo.
Uaibobo, 02/07/2024. Diretór Ezekutivu ADN, Sr. Rui Lourenço da Costa, hamutuk ho Koordenadóra UCVQ-ADN Eng. Emerenciana da Costa Maia Freita, no mós ekipa tékniku ADN destakadu iha munisipiu Baucau akompaña Ministru Agrikultura, Pekuária, Peskas no Florestas S. E Eng.Marcos da Cruz hodi hala’o dialogu ho komunidade sira ne’ebé maka halo impedimentu ba iha konstrusaun irigasaun. Dialogu ida ne’e rasik realiza iha Hanau, baliza ho Suku Gariwai, baliza mós ho postu administrativu Quelikai, Postu administrativu Ossu no Postu administrative Venilale.
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;