Covalima, 24/07/2024. Diretór Ezekutivu ADN Sr. Rui Lourenço da Costa akompaña mós husi Eng. José Fernando Liu Soares no mós tékniku ADN ne’ebé maka destaka iha munisipiu Covalima parisipa iha serimonia hatúr fatúk da-uluk ba konstrusaun Dormitoriu Sentru Formasaun ba Feto ne’ebé maka Jere husi Madres SSpS, no lokaliza iha Salele, Suku Maudemo Postu Administrativu Tilomar, Munisipiu Covalima.

Diretór Ezekutivu ADN iha nia diskursu hateten katak, Ita Presiza agradese ba Maromak ne’ebé maka kontinua fó tulun ita nia esforsu sira. Iha inisiu, Madre atu ko’alia ho Ministru ida seluk, maibé ho insidente hasoru Primeiru Ministru entau ho nune’e maka involve ADN involve Ministru Planeamentu direitamente hodi fo apoiu urjente ne’e hatudu Maromak nia tulun.

“inisiu, madre atu ba koa’lia ho Ministru ida seluk mais ho insidentemente hasoru Primeiru Ministru, Kebetulan, entaun ho ida ne’e mak involve ADN, Invlove Ministru Planeamentu direitamente, hodi fo apoiu urjenti, taun hau nia Xefi Sr. Fernando iha ne’e, ne’ebé maka tama konta ba projeitu urjenti sira hotu, emerjensia sira hotu, nia ekipa mai kedas hodi fo atendimentu. Ida ne’e importante teb-tebes uniku projetu emerjensia ne’ebé maka ita hahu iha tinan ida ne’e hatudu katak, ita kontinua nafatin fo konsiderasaun ba feto sira, liu-liu problema violensia domestika no mós abuzu seksuál”. hateten Diretór Ezekutivu ADN iha nia Diskursu.

Durate iha nia diskursu, Diretór Ezkutivu ADN ne’e hatete mós katak, Governu halo projeitu servisu oin-oin, Governu kontinua, komprimitidu desde husi S.E Primeiru Ministru Sr. Kay Rala Xanana Gsmão, Ministru Planeamentu Investimentu no Estratéjiku (MPIE) Sr. Gastão F. de Sousa, no mós ADN ne’ebé maka hanesan nia operadór tuir nafatin, kumpri nafatin, importansia fo asistensia sosiál lolós ne’ebé maka dignu ba feto sira.

Liu husi nia diskursu perante serimonia hatúr fatúk da-uluk ne’e, Diretór Ezekutivu kontiua hato’o mós agradesimentu ba Primeiru Ministru Sr. Kay Rala Xanana Gusmão ne’ebé maka fo atensaun espesiál ba sentru ida ne’e.

Atu hakotu nia intervensaun Diretór Ezekutivu ne’e dezeja ba Diretór Kompaña ne’ebé maka implementa projetu konstrusaun dormitoriu sentru formasaun ba feto ida ne’e atu bele implementa no ida ne’e konseitu ida hatúr iha konstrusaun Estadu.

Iha oportunidade ne’e Diretóra Sentru Esperansa ba Feto, Madre Santina Imaculada de Oliveira, iha nia diskursu hato’o ninia agradesimentu ba iha Ministru MPIE S.E. Sr. Eng. Gastão Fransisco de Sousa no mós Diretór Ezekutivu ADN ba tulun no apoiu tomak, Sakrifisiu ne’ebé maka Sentru ne’e simu iha prosesu tomak to’o bai ha prosesu hatúr fatuk da-uluk ba konstrusaun dormitóriu ida ne’e.

“ho autorizasaun nonu Governu, liu husi Ministeriu sira ne’ebé mak iha fuan no hakarak tulun ami liu husi maneira oin-oin, maibé iha biban ida ne’e, espesiálmente hau hakarak hato’o agradese no obrigada barak liu husi, reprezenta husi alin sira,no ami hotu ne’ebé maka hamahan an iha fatin ida ne’e, hodi hato’o ami nian obrigada no agradese wain ba Ministru Sr. Gastão liu husi Señor Diretór Ezekutivu ne’ebé maka marka prezensa direita ho ami iha fatin ida ne’e, tulun no apoiu tomak, sakrifisiu ne’ebé maka ami simu iha prosesu tomak to’o mai momentu ida ne’e, se ami mesak la bele halo buat ida,maibé ami ho konsensia katak apoiu no suporta ne’e boot tebes liu husi ADN ne’ebé maka sakrifika nia an ho tempu tomak, pasensia, la’o hamutuk ho ami, hahu husi dezeñu to’o mai iha BoQ, to mai iha momentu ida ne’e, ami hanesan Maromak nia grasa ne’ebé mai ami ne’e boot tebes liu husi maun sira nia liman, liu husi ami nia Aman, ami nia Avo sira nia liman, ne’ebé maka ho konkretu teb-tebes, hatudu iha momentu ida ne’e”. hato’o husi Diretóra Sentru Esperansa ba Feto, Madre Santina Imaculada de Oliveira, iha nia diskursu.

Diretóra Sentru Esperansa ne’e mós kontinua hato’o nafatin agradesementu ba Primeiru Ministru S.E.Sr. Kay Rala Xanana Gusmão ne’ebé maka ho fuan boot no ho nia domin tomak hodi fo ona apoiu no tulun Sentru ida ne’e.

Entertantu, bazeia ba dezeñu ne’ebé maka iha, sei konstrui sala dormitoriu ka kuartu hamutuk unidade 12 ne’ebé maka kompleta mós ho dapúr, refitoriu, Aula 1, fatin ba fase ropa, no haris fatin. Konstrusaun ne’e rasik ho durasaun ba fulan 8 no responsabiliza husi Levi Construction Lda.

Sentru Esperansa ba Feto no labarik hanesan sentru ida ne’ebé hamahon no fo protesaun ba feto no labarik feto sira iha Timor Leste laran tomak ne’ebé maka sai vitima ba hahalok violensia bazeia ba Jeneiru.

Sentru ne’e rasik hari iha loron 10/10/2006 ne’ebé maka ho nia vizaun maka Komunidade SSpS iha munisipiu Covalima, iha koñesimentu no kbi’it hodi redus violensia bazeia ba Jeneru, prospriedade no Independente iha moris sosiál hodi partisipa ba dezenvolvimentu iha nasaun Timor Leste no atu atinji mehi ne’e. Misaun husi sentru ne’e makai ha kbi’it no responsabilidade boot hodi atende sobrevivente ba redus númeru violensia bazeia ba Jeneru, sentru ne’e na komitmentu atu hasa’e no hametin rendimentu ekonomia iha familialiu husi promove produtu lokál ba asesu merkadoria.

Sentru ne’e rasik nia objetivu maka hametin no haforsa fee ema, esperansa no moris núdar kriasaun Maromak nian, fo tulun ba maluk sira ne’ebé presiza fatin seguru no korazén ba vitima atu bele hamenus trauma no bele hetan konfiansa liu husi konsellu, fo tulun ba vitima sira atu bele hetan sira nia direitu n justisa hanesan umanu ida liu husi dalan julgamentu iha tribunal, hametin rendimentu ekonomia iha komunidade nia leet, husi promove produtu lokál, no hasa’e kapasidade feto maluk sira husi dalan suku mákina pontu Kruz, produsaun lilin, produsaun sabaun, produsaun aifunan  no dezenvolve mina nu’u sai pomade millagrosa no redúz númeru violensia bazeia ba jéneru hodi hametin abilidade no mentalidade feto no labarik eto iha área rurál hodi partisipa ba dezenvolvimentu iha nasaun Timor Leste. (Media_ADN)