ADN,I.P. Munisipiu Baucau Halo Monitorizasaun Ba Projetu Konstrusaun Merkadu Munisipal Baucau
- Publika husi: Celso
- Loron: 13/Oct/2026
Baucau, 13/10/20026. Ekipa tékniku husi Ajénsia Dezenvolvimentu Nasionál Institutu Públiku (ADN, I.P), Munisípiu Baucau, hala’o monitorizasaun ba projetu konstrusaun foun Merkadu Munisipál Baucau ne’ebé maka implementa hela husi konsórsiu konstrusaun Fujian Yongtai Construction Group Co Ltd hamutuk ho Suhurama Developer Unipessoal, Lda.
Monitorizasaun ne’e nia objetivu mak atu akompaña no verifika progresu ezekusaun obra iha tereñu, hodi asegura katak implementasaun projetu tuir dezeñu tékniku, espesifikasaun, padraun kualidade no prazu kontratu ne’ebé estabelese.
Liu husi atividade monitorizasaun ne’e, ADN, I.P kontinua hala’o nia knaar atu akompaña implementasaun projetu infraestrutura públika, ho objetivu atu promove transparénsia, responsabilidade no kualidade iha ezekusaun obra públika.
Konstrusaun Merkadu Munisipál Baucau ne’e sai parte importante ida husi esforsu atu dezenvolve infraestrutura merkadu ne’ebé bele suporta atividade ekonómika lokál, fasilita komérsiu no fó benefísiu ba komersiante sira no komunidade iha Munisípiu Baucau.
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;