Viqueque, 13/10/2026. Diretór Adjuntu Ajénsia Dezenvolvimentu Nasionál, Institutu Públiku (ADN I.P), Eng. Demistocles G.X. Cabral, hamutuk ho koordenadór no koordenadora sira, tékniku superior sira no tékniku ADN I.P Munisípiu Viqueque, partisipa iha serimónia inaugurasaun Salaun Estasaun Missionária Rezidensiál Imaculada Coração de Maria, iha Nahareka, Munisípiu Viqueque.

Projetu konstrusaun Rezidénsia Misionária Imaculada Coração de Maria iha Nahareka rejista iha Sistema Mapa Projetu ADN I.P hahu implementasaun iha tinan 2025.Obra konstrusaun refere implementa husi Rerebain Unipessoal, Lda.

Rezidénsia misionária hanesan fatin ne’ebé bele apoia atividade pastorál, formasaun espirituál no servisu relijiozu, tuir nesesidade komunidade misionária no sarani sira iha área refere.

Durante implementasaun projetu ida ne'e, tékniku ADN,I.P ne'ebé maka destakadu iha Munisípiu Viqueque sempre halo akompañamentu,teste no monitorizasaun rutina ba projetu ne’e to'o ohin loron halo inagurasaun.

Partisipasaun Diretór Adjuntu ADN I.P hamutuk ho ekipa téknika iha serimónia inaugurasaun ne’e hatudu prezensa institusionál ADN I.P iha atividade públika ne’ebé hala’o iha Munisípiu Viqueque.

Entertantu,konstrusaun ida ne’e inagura direta husi Ministru MPIE S.E Eng. Gastão Francisco de Sousa no mós Bispu Dioseze Baucau Dom Leandro Maria Alves no partisipa mós husi konvidadu sira inklui sarani sira iha Nahareka.