Aileu,09/12/2025. Diretór Adjuntu AND,I.P Eng. Demistocles G.X. F. Cabral akompaña husi Assesór Planeamentu no Monitorizasaun Sr. Luciano da Silva partisipa iha Workshop ne’ebé maka organiza husi Unidade Planeamentu Integradu (UPI) no realiza iha Salaun Timor Klaran, Munisipiu Aileu.

Workshop ida ne’e rasik loke husi Ministru Planeamentu Investimentu no Estratéjiku (MPIE) S.E Eng. Gastão Fransisco de Sousa. Tema iha workshop ida ne’e maka Validasaun Dadus Monitorizasaun Planu Estratéjiku Dezenvolvimentu Planu Estratéjiku Dezenvolvimentu Tinan 2011-2030.

Hafoin loke tiha husi Ministru MPIE, kontinua kedas ho aprezentasaun jerál kona-ba relatoriu progresu Monitorizasaun Periodu 2011-2024 husi konsultora Sra. Verónica Pais, kontinua mós ho introdusaun kona-ba diskusaun iha grupu kada setór ne’ebé maka hala’o husi tékniku Profisionál Planeamentu UPI.

Iha oportunidade ne’e halo mós diskusaun validasaun dadus setór sosiál ne’ebé maka aprezenta husi konsultora, tuir kedas ho intervensaun husi kada Diretór jerál Programa LMs, kontinua ho diskusaun, validasaun no aprovasaun dadus setór sosiál.

Tama ba parte loraik nian, kontinua ho diskusaun validasaun dadus setór infraestrutura ne’ebé nafatin aprezenta husi konsultora, kontinua mós intervensaun husi kada Diretór Jerál Programa LMs, inklui intervensaun husi Diretór Adjuntu ADN,I.P Eng. Demistocles G.X. F. Cabral hafoin ne’e kontinua kedas ho diskusaun validasaun dadus setór infraestrutura no taka ho sumariu.

Entertantu, partisipantee iha Workshop ida ne’e maka Ministru MPIE, Prezidente Autoridade Munisipiu Aileu, Diretór Jerál, Diretór Nasionál, Xefi Departamentu sira, no tékniku sira husi LMs sira.

Atividade workshop ida ne’e sei hala’o durante loron rua (2) hahu husi loron Tersa-feira (09/12/2025) ne’e no sei termina iha loron quarta-feira (10/12/2025) no nafatin hala’o iha Salaun Timor Klaran, munisipiu Aileu. (Media_ADN)