Dili, 08/10/2025. Diretór Ezekutivu ADN Eng. Januario M. Guterres, akompaña mós husi Koordenadór UCVQ-ADN Arq. Francisco Xavier de Deus Jerónimo  partisipa iha reuniaun extraordinariu Konsellu Administrasaun Fundu Infraestrutura (KAFI)  ne’ebé maka hala’o iha loron Tersa-Feira (07/10/2025) horseik no hala’o iha Ministériu Finansas Aitarak-Laran Dili.

Reuniaun ida ne’e Ministra Finansas S.E Sra. Santina Cardoso maka lidera no  akompaña direirta mós husi Prezidente KAFI atuál Ministru MPIE S.E Eng. Gastão Francisco de Sousa no marka mós prezensa husi membru sira husi KAFI maka hanesan; Ministru Obras Públikas S.E Samuel Marçal, Ministru Transportes no Komunikasaun S.E Eng. Miguel Marques Gonçalves Manetelu.

Objetivu husi enkontru extraordinariu ida ne’e maka hodi halo diskusaun relasiona ho  ezekusaun ba projetu sira ne’ebé iha tenderizaun ezekuta tuir ba kaléndariu sei finaliza baihira hodi nune’e bele halo kalkulasaun ba pagamamentu adiantamentu too fulan dezembru 2025 husi ADN.

Iha diskusaun ne’e buka hatene mós kona-ba Projetu hirak ne'e atinji pursentu hira ona no invoice ne’ebé tama ba ADN hamutuk hira inklui preparasaun halo verifikasaun no rekomendasaun mai husi liña ministerial sira no fundu infraestrutura rasik. Aleinde ne’e husi imprestimu no mós projetu sira ne’ebé lao hela iha MOP. Verifika no dokumentasaun aprovasaun husi KAFI, aleinde ne  hira maka CNA halo ona kontratu. Nune mós Ezekusaun sira ne’ebé iha ona kontratu atu halo pagamentu iha lista ida hodi garante kompaña sese deit tama iha lista refere.(Media_ADN)