D.E Interiñu ADN Partisipa iha Audensia Públiku ho Komisaun C PN
- Publika husi: Maximiano
- Loron: 02/Oct/2025
Dili, 02/10/2025. Diretór Ezekutivu Interiñu Ajénsia Dezenvolvimentu Nasionál (ADN) Eng. Januario M. Guterres ne’ebé iha oportunidade ne’e akompaña mós husi Koordenadóra Sra. Amelia da Costa, Xefe Departamentu Finansas Sra. Angela M. E. Correia partisipa iha Audensia ho Komisaun C Parlamentu Nasionál ne’ebé maka trata asuntu finansas públikas, Audensia ne’e rasik hala’o iha Sala Plenária Parlamentu Nasionál.
Objetivu husi audensia públika ne’e, hodi halo aprezentasaun relasiona ho
ezekusaun OJE tinan 2025 nian, liliu iha trimestre da-ruak nian ba Komisaun C
parlamentu nasionál, nune’e bele akompaña prosesu sira ne’ebé maka atinze ona
iha ezekusaun orsamentu ne’e rasik.
Entertantu audensia publika ne’e rasik lidera direita husi Prezidente
Komisaun C Parlamentu Nasionál ne’ebé maka trata asuntu finansas públikas Sra.
Cedelízia Faria dos Santos no husi Governu lidera husi Vise-Ministra Finansas
Sra. Felícia Claudinanda Cruz Carvalho.
Marka mós prezensa iha audensia públika ne’e maka hanesan S.E Ministru
Obras Públikas S.E Samuel Marçal, Ministru Transporte no Komunikasaun S.E
Miguel Marques Goncalves Manetelu, Vise-Ministra Finansas Sra. Felícia
Claudinanda Cruz Carvalho, Vise-Ministru ba Infraestruturas S.E Júlio do Carmo
no mós Ezekutivu sira husi Instituisaun sira ne’ebé maka tutela ba iha
Ministériu haat ne’e. (Media_ADN)
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;