Bobonaro, 14/10/2025. Diretór Ezekutivu ADN Interñu, Atúal Diretór Adjuntu ADN Eng. Januario M. Guterres partisipa iha abertura ofisiál Projetu Planu Uso do Solo Urbano Maliana (PUSO Maliana) ne’ebé maka realiza iha loron Segunda-Feira (13/10/2025) iha Salaun Maria Tapo, Autoridade Administrasaun Munisipiu Bobonaro.

Plano de uso do solo (PUSO) sidade Maliana ne’e abertura  ofisiál husi Ministru Planeamentu no Investimentu Estratéjiku (MPIE) S.E Eng. Gastão Fransisco de Sousa no kompaña husi Sekretariu Estadu Dezenvolvimentu Lokál (SEDL) S.E Mateus W. dos Santos Tallo, no mós Prezidente Autoridade Munisipiu Bobonaro, Paulo Moniz.

Plano de uso do solo (PUSO) sidade Maliana, importante mos, tanba nia objetivu atu dezenvolve detallu liu tan área urbanu tuir modelu dezenvolvimentu teritoriál ne'ebé estabese ona iha PMOT Bobonaro nian.

Objetivus prinsipal husi PUSO Maliana nia mak atu Orienta Kreximentu cidade ho forma ordenado; Hadia Kualidade Moris populasaun Nian; Evita konflito de interese iha utilizasaun rai ou espaso (entre area Industria ho Habitasaun); Fasilita Dezenvolvimentu Ekonomico Urbanu: atu Fornese equipamentu, infraestrutura, espasu konstruidu no enquadramentu juridiku hodi kria ambiente negósiu ne'ebé favorável ba dezenvolvimentu ekonomia urbanu (kria empregu no redusaun ba kustu de vida); no Prevene no reduz Impaktu Husi Dezastres Naturais no Proteje Ambiente: katak garante uzu no okupasaun rai ne'ebé reduz efeitu husi risku naturál, garante seguransa ba ema nomos sasán no proteje ambiente.

Partisipa iha serimonia lansamentu ne’e, Diretor Jeral Ordenamento Teritorio, Diretor Jeral Obras Publika, Diretores Ezekutivu, diretores Nasionais, Diretor servisu Munisipais, Administrador Postu, Xefe Suku sira, no konvidados sira seluk. (Media_ADN)