Dili, 17/07/2025. Diretór Ezekutivu Interinu Ajénsia Dezenvolvimentu Nasionál (ADN) Eng. Januario M. Guteres Partisipa iha reuniaun Extraordinaria Konsellu Administrasaun Fundu Infraestruturas (KAFI), ne’ebé maka realiza iha Sala Enkontru Gabinete Ministru Planeamentu Investimentu no Estratéjiku (MPIE) Hudi laran, Dili.

Reuniaun extraordinariu KAFI nian ida ne’e hodi halo aprovasaun ba iha asuntu importante sira ne’ebé maka nesesidade hodi foti desizaun ho lais husi KAFI ne’ebé maka téknikamente tengki deskute nivél KAFI.

Iha oportunidade ne’e mós Sekretariadu Tékniku Grande Projetu (SGP) atualiza pre-reuniaun KAFI sira ne’ebé maka hala’o ona no ajénda KAFI sei kontinua atualiza bazeia ba koordenasaun, diskusaun tékniku no mós dokumentus justifikativu sira husi projetu nain.

Iha reuniaun ida ne’ebé Prezidente KAFI no mós membru sira KAFI nian halo diskusaun no aprovasaun ba proposta sira ne’ebé maka mai husi Ministeriu sira maka hanesan Ministeriu MAPPF ho ninia pedidu ajéndamentuenkontru ba alokasaun orsamentu ba servisu emerzénsia ba projetu konstrusaun Gabion moru Protesaun Laclo-Dumi Irigasaun Kanál iha Mota Sumase, munisipiu Manatuto, tuir mai pedidu ajéndamentu enkontru ba projetu Fundu Infraestrutura Ministeriu Agrikultura, Pekuaria, Peska no Florestál, pedidu ajéndamentu enkontru ba aprovasaun kustu adisionál ba konstrusaun supervizaun ba eskema Irrigasaun Galata munisipiu Baucau, Ministériu Interior.

Husi Ministeriu Interior nian mak ho asuntu maka pedidu aprovasaun no autorizasaun ba rehabilitasaun future edifisiu sentrál servisu Migrasaun, pedidu aprovasaun no autorizasaun despezas ba projetu konstrusaun eskuadra iha Tilomar, Fatululik, Fatumea munisipiu Covalima. Iha mós pedidu aprovasaun no autorizasaun ba projetu liliu kona-ba kustu adisionál ba konstrusaun foun Quartel Geral PNTL no konsultór Supervisór ba konstrusaun foun Quarter Geral PNTL.

Enkuantu husi Ministeriu Saude nian mai ho pedidu aprovasaun no autorizasaun despezas ba projetu konstrusaun foun rezidensia professional saude sira nian iha Ailora, Alas Manufahi. Iha mós husi Ministériu Komersiu Industria nian ho pedidu autorizasaun loke liña foun no kodigu atividade foun ba design and buil no supervizaun ba konstruksaun ba projetu hirak ne’ebé makai ha. Entertantu husi Ministeriu MAE nian ho pedidu aprezentasaun ba rotunda Papa Fransisco,Tasi Tolu.

Ministeriu Obras Públika ho ninia pedidu ajéndamentu KAFI ba projetu hirak ne’ebé hetan ona verifikasaun ADN no pedidu ajéndamentu KAFI ba implementasaun projetu 62-rehabilitasaun Estrada Tilomar-Fatululik. Ministeriu MPIE nian kona-ba despasu husi Primeiru Ministru. Husi Komisaun Anti Korupsaun (CAC- Sigla Portugés) nian maka pedidu aprovasaun no autorizasaun despezas ba projetu Consultig Services for the detailed Engineering Design (DED) of new construction for the commission on CAC office building. No mós Komisaun Funsaun Públiku (CFP-Sigla Portugés) ho asuntu pedidu aprovasaun no autorizasaun ba kustu adisionál ba instalasaun elevator/lift ba konstruksaun edifisiu rekrutamentu elektoniku CFP. (Media_ADN)