Dili, 14/07/2025. Diretór Ezekutivu Internu Ajénsia Dezenvolvimentu Nasionál Eng. Januario M. Guterres akompaña mós husi Asesór Tékniku Nasionál ADN Sr. Gui Daniel T de Jesus, iha quinta-feira (10/07/2025) liu ba partisipa iha serimonia inagurasaun fornesimentu bee moos ne’ebé maka hala’o iha Postu Administrativu Fohorem, munisipiu Covalima.

Inagurasaun fornesimentu bee moos ida ne’e lansa husi Primeiu Ministru RDTL S.E Kay Rala Xanana Gusmão no iha nia diskursu Primeiru Ministru ne’e hateten katak momentu importante ne’e senti kontente tebes tanba bele hakat to’o ba fatin ne’e (Fohorem) hodi bele hasoru malu ho populasaun sira.

Atividade ida ne’e realiza núdar asaun real ida husi Governu tanba bele rona komunidade nia preokupasaun liuliu komunidade sira iha area rural.

Prosesu fornesimentu bee moos ne’e fahe ba pakote kanalizasaun no pakote instalasaun tanke rezervatoriu nune’e bele fornese bee moos ba uma kain atús rua resin ho total populasaun rihun rua resin iha postu administrativu Fohorem.

Serimónia Inaugurasaun ne'e partisipa mos husi Vise Minístru Infraestrutura- Julio do Carmo, Sekretariu Estadu Asunto Toponomia e Organizasaun Urbana (SEATOU)- Germano Santa Brites, Prezidente Autoridade Municipiu Covalima, Miguel Armada Cardoso, Prezidente Komisaun Ezekutiva (KE) Bee Timor-Leste, Empreza Públika (BTL, E.P), Gustavo da Cruz, reprezentante husi liñas ministeriais relevante sira, Administrador Postu Fohorem,Xefe suku sira, Amo Paroco Fohorem, Madre sira, Estudante, Komunidade Postu Fohorem, no konvidadu sira seluk. (Media_ADN)