Dili, 07/04/2025. Komisaun Anti Korupsaun (CAC-Sigla Portugés) sexta-feira  (04/04/2025) semana kotuk halo sosializasaun kona-ba Lei Nú 7/2020 Medidas Prevensaun no Kombate Korupsaun ba estruturta iha ADN no mós funsionariu sira ne’ebé maka haknar án iha ADN. Sosializasaun ne’e rasik realiza iha Salaun Enkontru Tifania Esron ADN.

Iha sosializasaun ne’e, parte CAC halo aprezentasaun liu kona-ba tansa sa mak deklarasaun rendimentu bens no interese ne’e importante. Hanesan haktuir iha esplikasaun katak aktu ida ne’e hodi limite risku korupsaun no prevene konflitu interese, atu detekta aumentu mudansa ba rikeza signifikativu no injustifikadu, atu protreze no dignifika integridade funsionariu públiku núdar servidór Estadu no integridade instituisaun públiku sira.

Sosializasaun ida ne’e rasik halo direita husi Adjuntu Komisaun Anti Korupsaun no simu Direita husi Adjuntu Diretór Ezekutivu ADN Eng. Januario M. Guterres no mós Kargu Xefia sira iha ADN inklui Assesór no Assesora sira no mós Funsionariu sira. (Media_ADN)