Dili, 13/03/2025. Diretór Ezekutivu ADN Sr. Rui Lourenço da Costa akompaña husi Koordenadór UAP-ADN, Koordenadór UEDC-ADN, Assesór no Assesora Tekniku Nasionál no Internationál ADN nian hala’o enkontru ho Ekipa husi Timor Gap ne’ebé maka lidera direta husi Prezidente Timor Gap Sr. Rui Soares no akompaña husi Vise Prezidente Timor Gap Sr. Alexandre S. Cristovão no mós Assesór no tékniku sira husi Timor Gap. Enkontru ida ne’e rasik hala’o iha Sala Enkontru ADN nian Tifani Esron.

Iha enkontru ida ne’e, parte Timor Gap mai halo aprezentasaun ba Diretór Ezekutivu ADN ho nia ekipa relasiona ho Dezeñu, Konstrusaun no Finanseiru ba Auto Estrada Zumalai ba Natarbora.

Hafoin rona no asiste hamutuk tiha aprezentasaun ne’ebé maka halo husi ekipa Timor Gap nian, Diretór Ezekutivu ADN hato’o nia apresiasaun ba aprezentasaun ne’e no iha oportunidade hanesan, Diretór Ezekutivu hato’o mós kestaun balun relasiona ho materia ne’ebé maka aprezenta husi ekipa Timor Gap nian hodi nune’e parte hotu bele deskute klean liu tan. (Media_ADN)