D.E ADN no Ekipa Simu Vizita husi Embaixadór Málazia Mai Timor Leste ho Delegasaun Emprezariál husi Málazia
- Publika husi: Maximiano
- Loron: 27/Feb/2025
Dili, 27/02/2025. Diretór
Ezekutivu ADN Sr. Rui Lourenço da Costa hamutuk ho Adjuntu Diretór Ezekutivu
ADN Eng. Januario M. Guterres akompaña mós ho kargu Xefia sira iha ADN no mós
Assesór Tékniku Internationál no Nasionál ADN nian simu no hala’o enkontru ho
Embaixadór Nasaun Malaysia nian mai Timor Leste Dato Amarjit Sarjit Singh,DSPN
no mós delegasaun emprezariál Málazia ne’ebé maka lidera husi Diretór Ezekutivu
Probase Manufacturing Sdn.Bhd Sr. Seow Cheng Soon.
Embaixadór Málazia nian mai Timor
Leste antes ne’e hato’o pedidu mai Diretór Ezekutivu ADN atu bele bele mai
vizita ADN no mós lori ho delegasaun emprezariál
Málazia nian mai hasoru Diretór Ezekutivu ADN no nia estrutura hodi hala’o
enkontru.
Iha oportunidade ne’e, delegasaun
emprezariál halo mós aprezentasaun ba Diretór Ezekutivu ADN no mós ekipa
relasiona ho Probase Manufacturing
Sdn.Bhd ne’ebé maka núdar empreza ida ne’ebé
espesializada iha área konstrusaun Estrada no na’in uniku ba probase
Road Technology.
Hafoin rona tiha aprezentasaun
husi Delegasaun Probase, iha oportunidade hanesan, Diretór Ezekutivu ADN hato’o
nia agradesimentu ba Embaixadór no mós Delegasaun emprezariál Málazia ne’ebé
maka ho laran luak mai ona halo introdusaun ba sira nian empreza ne’e no iha
tempu ruma sei harúka ekipa ida husi ADN atu ba Málazia hodi halo vizita ba iha
empreza Probase. (Media_ADN)
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;