ADN no MJDAK halo Site Visit ba Iha Jináziu Dili
- Publika husi: Maximiano
- Loron: 15/Nov/2024
Dili,14/11/2024. Diretór
Ezekutivu ADN Sr. Rui Lourenço da Costa akompaña husi Adjuntu Diretór Ezekutivu
ADN Eng. Januario M. Guterres no ekipa hamutuk ho ekipa ida husi Ministeriu
Juventude, Desportu, Arte no Kultura (MJDAK) halo site visit ba iha Jináziu
(Eis GMT) Dili Timor Leste.
Objetivu husi site Visit ida ne’e
maka atu haree besik liu tan kona-ba fasilidade sira inklui infraestrutura iha
Jináziu (Eis GMT) ne’e rasik atu nune’e bele halo rehabilitasaun bazeia ba
proposta husi MJDAK nian.
Rehabilitasaun ba iha fatin
desportu ne’e núdar parte ida husi preparasaun ba iha selebrasaun Jogu
komunidade ko’alia lian Portugés (CPLP-Sigla Portugés) ne’ebé maka sei realiza
iha Timor Leste iha tinan oin mai no Timor Leste maka sei sai núdar uma nain ba
iha Jogu nasaun CPLP ne’e rasik. (Media_ADN)
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;