SALAUN VIP AEROPORTU NO FASILIDADE HODI SIMU PAPAFRANSISCO HETAN ONA BENSAUN
- Publika husi: Maximiano
- Loron: 04/Sep/2024
Dili, 04/09/2024. Diretór Ezekutivu ADN hamutuk
ho ekipa partisipa iha serimonia inagurasaun no Bensaun ba sala VIP inklui fasilidade
sira mak hanesan klínika aeroportu no karreta ambolift hodi simu Sua
Santidade Papa Francisco. Atividade ne’e realiza iha aeroportu internasionál
Prezidente Nicolau Lobato Comoro.
Sala VIP no mós fasilidade sira
seluk ne’e hetan bensaun husi Arsebisu Arkedioseze Díli Dom Virgílio Kardeál do
Carmo da Silva, SDB no iha serimonia ida ne’e akompaña mós husi Primeiru-Ministru
(PM), Kay Rala Xanana Gusmão hamutuk ho Prezidente Repúblika (PR), José
Ramos-Horta.
Prezidente Repúblika iha nia
diskursu hato’o ninia parabens ba Governu no Igreja Katólika relsiona ho preparasaun
tomak hahu husi preparasaun ba altar santu ne’ebé Sua Santidade Papa Francisco
sei utiliza hodi selebra misa inklui fatin seluk ne’ebé di’ak ho kualidade
tebes.
“parabens ba Governu, Igreza no
hotu-hotu ne’ebé iha tempu natón konsege organiza, mobiliza infraestrutura sira
ne’ebé benefsia sidade no nasaun hodi simu ho di’ak Amu Papa, hau admira duni
tanba bai-bain ita halo obra keleur tebes, ida ne’e Xineza sira mós la konsege
halo rapidéz hanesa ita, hau hakfodak hodi kalan hau ba Tasi Tolu admira tebes,
hau rona tékniku ADN sira mak halo ninia konseitu, hau observa fatin hotu-hotu
tantu husi Segurana nian, mobilizasaun sarani, parte médiku la’o ho di’ak
tebes.“ hateten PR Horta iha nia diskursu.
Iha Oportunidade hanesan, Kardeál
lori uma kreda no Igreja lokál nia naran hato’o agradese bá Prezidente
Repúblika,Primeiru-Ministru, no mós governante sira hotu ne’ebé servisu maka’as
hodi halo preparasaun tomak hodi simu Sua Santidade Papa Francisco.
Entertantu Partisipa iha
serimónia ne’e maka hanesan; Monseñor Marco Sprizzi núdar reprezentante
Santa-Sé iha Timor-Leste, S.E Sr. Tomas do Rosário Cabral núdar Koordenadór
Jerál Interinu Altu Nível Institusionál Vizita Sua Santidade Papa Francisco, membru
governu, Prezidente Konsellu Administrasaun Aeroportu no Navegasaun Aérea Timor
Leste (ANATL, E.P) Sr. Romualdo da Silva no nia ekipa no mós Diretór Ezekutivu ADN
ho nia ekipa. (Media_ADN)
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;