D.E ADN no Reprezentante Santa Sé iha Timor Leste halo Observasaun ba Progresu Konstrusaun Prasa Vatikanu iha Tasi Tolu
- Publika husi: Maximiano
- Loron: 03/Aug/2024
Dili,03/08/2024. Diretór Ezekutivu ADN Sr. Rui Lourenço da Costa hamutuk ho tékniku ADN, Manajer Jerál Kompaña Bakti Karya Timor (BTK) Sr. Nasrul Nasim akompaña Reprezentante Santa Sé iha Timor Leste, Monseñor Marco Sprizzi no mós Ekipa husi Diocese seksaun Liturzia nian hala’o observasaun ba progresu konstrusaun Prasa Vatikanu ba Altar iha Tasi Tolu, Dili Timor Leste.
Prasa Vatikanu ba Altar ne’e hamutuk mós ho Sakristia haat inklui toilet públiku ba Amu Papa, Kardeál, Bispu no Padre sira iha Tasi Tolu.
Iha vizita servisu ne’e, observa mós kona-ba obra no konstrusaun sira seluk ne’ebé maka daudaun ne’e la’o hela mak hanesan preparasaun dalan ba Altar no fui Alkatraun, fatin va Estatúa no mós konstrusaun toilet públiku.
Prasa Vatikanu ba Altar ne’e ho medida diametru 50 no altar ho metro 7x35, no konstrusaun ba prasa vatikanu ne’e rasik hahu iha loron 19/04/2024 liu ba.
Entertantu Prasa Vatikanu ba Altar ne’e rasik sei utiliza hodi selebra Misa ne’ebé maka sei prezide direita husi Santu Papa Fransisco. (Media_ADN)
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;