info@adn.gov.tl
+670 3310289

ADN no DRI Realiza Enkontru ho Kompaña Waskita Karya

  • Publika husi: Maximiano
  • Loron: 29/May/2024

RAEOA,29/05/2024. Ajénsia Dezenvolvimentu Nasionál Institutu Públiku (ADN, IP) liu husi nia Diretór Ezekutivu akompaña mós ho nia ekipa hamutuk ho Diretór Rejionál Infraetrutura (DRI) RAEOA Sr. Remigio Nuno Sila no mós nia ekipa hala’o enkontru koordenasaun servisu ho Kompaña Waskita Karya. Enkontru ne’e rasik realiza iha sala enkontru DRI RAEOA.

Hafoin termina enkontru, Diretór Ezekutivu ADN hateten katak, reuniaun ne’e la’o ho positivu no ho konkluzaun ne’ebé mak positivu, tanba ADN deskobre katak kompaña la-uza material estandarte no la tuir espesifikasaun .

“ ami nia reuniaun hotu remata ho konkluzaun ne’ebé maka positivu, tanba ita boot sira hatene katak  iha konstrusaun Estrada ne’e iha kamada tolu ka haat kedas, kamada ida maka naran embarkment, kamada ida seluk tuir mai naran sub-base, kamada ida tuir mai base course, nahe alkatraun, ne’e duni iha kamada ida atu besik ba  nahe alkatraun, naran base course ne’e mak ADN deskobre katak sira la uza material ne’ebé maka tuir estandar no espesifikasaun ne’ebé maka vigór iha Timor Leste’’. Hateten Diretór Ezekutivu ADN ba Jornalista sira.

Diretór Ezekutivu ne’e hatutan katak,kompaña sira uza deit 30% agregadu ne’ebé maka fera,makina sira fera,restu ne’e kompaña sira uza rai-henek,entaun ida ne’e la aseita tanba sa,base  course, material ba base course ne’e tengki 100% produs husi stock rasik, entaun haree ba rezultadu analiza husi laboratóriu ne’e la-tama.

“ liga ho ida ne’e,tengki hasai, tuir mós rekomendasaun husi hau nia Diretóra ne’ebé maka tur iha hau nia soring, husi Laboratoritu,tengki hasai, I lós duni balu nahe tiha ona alkatraun,hasai hotu alkatraun, ne’e konsekuensia, se sira lakohi hasai la selu. Entaun liga ho ida ne’e maka hotu-hotu hatan, iha kompriensaun di’ak,ho lideransa Señor Diretór nian, Señor Diretór Rejionál ohin jere meza halo furak,diskosoens ne’ebé mak di’ak  entaun ami ba ho parte rua tantu Waskita no tekniku ADN iha ona konkordansia mutual para depois atu bele hasai material kamada ida ne’ebé maka refere sai problema.i depois sira ba hamutuk halo ezersisiu ida, halo fali  nia sampel foun para lori ba submeter fila fali ba laboratoriu obras públikas ou laboratoriu ADN hodi halo fila fali teste nia tama ona,kumpri ona espesifikasoes hetan aprovasaun husi Diretór kompetente para depois bele halo ona pavimentasaun. Hateten Diretór Ezekutivu AND

Iha oportunidade ne’e Diretór Ezekutivu ADN hato’o mós nia apresiasaun ba Kompaña Waskita Karya nia kooperasaun di’ak no intendimentu tanba fasil iha diskusaun teknika entre parte rua, nune’e ekipa tékniku husi ADN sei koopera ho DRI no hamutuk ho Waskita Karya sei koordena malu hodi hasai tiha material ne’ebé maka la tuir espesifikasaun no estandarte.

Entertantu, iha oportunidade ne’ebé hanesan, Diretór Rejionál Infraestrutura RAEOA Sr. Remigio Nuno Sila, ba Jornalista sira hatete katak nia parte senti agradese tebes ho prezensa husi ADN nian iha RAEOA, tanba tuir nian katak antes ne’e pedidu husi Prezidente Autoridade husu ADN atu bele marka nia prezensa iha RAEOA, hodi bele akompaña vderifikasaun no halo inspesaun ba projeitu sira hotu iha RAEOA.

Partisipa iha enkontru kooedenasaun servisu ne’e rasik mak hanesan; Diretór Ezekutivu ADN hamutuk ho ninia ekipa, Diretór Rejionál Infraestrutura RAEOA no ninia ekipa no mós Kompaña Waskita Karya rasik. (Media_ADN)

 

LEMA ADN

  • Aprende hodi halo, halo hodi aprende;
  • Haburas kreatividade no inovativo de servisu;
  • Hametin principiu servisu salva an, salva superior/liders, salva instituisaun no salva nasaun;