Dili, 26/04/2024. Diretór Ezekutivu ADN, IP Sr. Rui Lourenço da Costa iha Sexta-Feira loron 19/04/2024 liu ba partisipa iha serimónia lansamentu Sekretariadu Komisaun Altu Nivél Institusionál Vizita Sua Santidade Papa Francisco nian ne’e iha rezidénsia eis Ministra Finansas Motael. Dili Timor Leste.

Entertantu Sekretariadu ida ne’e lansa husi Ministru Administrasaun Estatal, S.E. Tomás do Rosário Cabral, ne’ebé núdar Vise Koordenadór Jerál Altu Nivel Institusionál Vizita Papa Francisco no Koordenadór Jerál Interinu, hamutuk ho Koordenadór Jerál Ekipa Igreja bá Vizita Santu Padre nian mai Timor-Leste, Dom Virgílio Cardeál do Carmo da Silva, inklui mós Reprezentante Santa Sé iha Timor-Leste, Monseñor Marco Sprizzi, ofisialmente lansa Sekretariadu Komisaun Altu Nivel Institusional Vizita Sua Santidade Francisco mai Timor-Leste.

Serimónia lansamentu ne’e marka mós prezensa husi Prezidente Autoridade RAEOA, Sr. Rogério Tiago Lobato, Xefe Gabinete MAE enigno da Cruz, Diretor Ezekutivu ADN. IP Sr. Rui Lourenço da Costa, Amu Paroku Igreja Motael, Guilhermino da Silva, no mós Diretór Nasionál Administrasaun Finansas MAE, Ángelo Urbano Fernandes. (Media_ADN)