info@adn.gov.tl
+670 3310289

ADN Hala’o Enkontru ho PA RAEOA

  • Publika husi: Maximiano
  • Loron: 06/Mar/2024


Prezidente RAEOA-ZEESM Timor Leste, iha nia intervensaun, fó bem vindo ba iha Diretór Ezekutivu no mós nia komitiva ne’ebé mak halo ona vizita traballu ba RAEOA, Prezidente RAEOA mós salienta katak sira nia parte presiza duni ADN hodi ba iha RAEOA hodi nune’e hamutuk halo re-avaliasaun ba Estrada rua ne’ebé oras ne’e la’o daudaun.

“presiza duni delegasaun ADN mai iha ne’e,para hamutuk ho ami bele halo re-avaliasaun, liuliu ba Estrada rua ne’ebé oras ne’e la’o daudaun." Hateten Prezidente RAEOA-ZEESM Timor Leste Sr. Rogerio Lobato.

Entretantu, Koordenadór ZEEMS Timor Leste Sr. João Gonçalves iha nia intervensaun hato’o mós nia komitmentu atu apoiu ekipa ADN ne’ebé mak marka prezensa iha RAEOA.

“ha'u sente imi-nia prezensa iha ne’e, ami na'in rua prezidente Autoridade fó apoiu totál ba imi-nia servisu, para servisu ne’ebé mak iha bele la’o ho di’ak." Hatete Koordenadór ZEESM Timor Leste.

Oportunidade ne’e, Diretór Ezekutivu ADN iha nia intervensaun, hato’o agradesimentu  ba PA RAEOA, Koordenadór ZEESM tanba bele fó tempu ba ADN atu hasoru.

“Ami nia vizita, aliña ho polítika Sua Exelénsia Primeiru Ministru katak sei orienta tékniku sira mai fó apoiu ba Diresaun no departamentu sira atu bele hala’o servisu ho di'ak. Ho razaun ida ne’e mak Ministru MPIE Sr. Enjeñeiru Gastão Francisco de Sousa orienta ami mai hala’o vizita ida ne’e, ho objetivu prinsipál atu koordena ho sekretáriu rejionais sira hodi rona rasik entidades hirak ne'e nia hanoin ho nune’e konkretamente materializa Sua Exelénsia Primeiru Ministru nia pensamentu.'' Hateten Diretór Ezekutivu ADN

Hatán ba Preokupasaun Sua Exelénsia Prezidente Autoridade RAEOA relasiona ho projetu boot rua, Diretór Ezekutivu ne’e informa katak molok mai hasoru Sua Exelénsia, ADN hala’o tiha ona sorumutu ida ho Diretór Rejionál Infraestruturas Señor Remigio Nuno Sila, hamutuk ho funsionáriu, Consultant Profico no kompañia Waskita Karya hodi informa ofisialmente ba entidades sira ne’e hotu katak obedese ba polítika boa Governasaun ho vizaun atu garante transparénsia nu'udar prinsipius no prioridades IX Governu Konstitusionál, ADN fila hikas mai RAEOA.

Ho pensamentu ne’e ADN sei mai koopera diretamente ho Diretór Rejionál infraestruturas atu hamutuk dezenvolve Sistema jestaun infraestruturas, liu husi estabelesimentu Sistema Planu, Jestaun no Implementasaun Infraestruturas; Hamosu Sistema estandarnizasaun únika no universál ba efetua kálkulus ba projetu sira, liu husi utilizasaun Timor Leste’s Standard, Method and Measurement no Timor Leste Standard Unit Price núdar instrumentu úniku ba garante transparénsia ho responsabilidade. 

 

Ulun ADN ne’e hatutan tan katak ADN sei haka’as an atu Exelénsia na'in rua labele sente “mesak”;  ADN iha ne’e para fó apoiu totál  ba ita Boot sira nia desizoens relasiona ho infraestruturas.

Iha enkontru ne’e, Diretór Ezekutivu ADN halo mós aprezentasaun kona-ba knaar no Servisu ADN aprezenta mós kona-ba fluxograma prosesu pagamentu projetus, liuliu pedidus no rekomendasoens téknikas ba Prezidente Autoridade  RAEOA no mós Koordenador ZEESM hanesan tuir mai:

·       ADN kompromitidu atu fó Apoiu ba RAEOA hodi dezenvolve Sistema Integradu ba Jestaun de Projetus Infraestruturas sira hotu

·       Fó apoiu ba auditoria liu husi halo diagnóstiku ba projetu hotu-hotu husi Governu anteriór molok Autoridade efektua desizaun ruma

·       Projetu hotu-hotu ne'ebé mak oras ne’e implementasaun presiza halo re-verifikasaun ba sira nia presu unitária

·       Solisita Autoridade RAOEA atu bele entrega hikas edifísiu ADN hodi fasilita atividade servisus ADN iha RAEOA

·       Presiza Estabelese ona Unidade Planeamentu iha RAEOA

·       Fortifika no aumenta fasilidade ba servisus laboratóriu infraestruturas nian iha RAEOA

·       Fortifika ka aumenta tan fasilidades ba Instituisaun Jestaun ekipamentus iha RAEOA

·       Presiza kapasita RH téknikus iha setór Infraestruturas

·       Ba Projetu foun hotu-hotu ho montante liu 100 míl dolares, presiza hetan verifikasaun husi ADN.

 

Diretór Ezekutivu ADN propoin ba ZEEMS atu dezenvolve konseitu pilotu ba implementasaun tinan eskolár hodi fila fali ba Jullu até Outubru para depois bele dezenvolve turizmu Timor Leste ho di'ak, la’os de'it iha RAEOA maibé mós iha territóriu nasionál. Wainhira Eskola no Universidade sira férias mak ita bele dezenvolve lolos atividades turizmu. Se iha dezembru ita tama ba iha preparasaun festa Natal no Tinan foun, Tempu udan ona no mós familias sira “rezerva” hela buat ruma konsentra ba despezas eskolares núdar prioridade. Iha parte seluk ita labele hanoin katak atividade turizmu depende ba vizita husi “aventureirus” estranjeirus sira. Tanba sira só bele mai ita-nia rain enkuantu ita iha oferta di'ak ruma hanesan festivais nasionais no seluk tan. Realizasaun Festivais nasionais, kulturais no reliziozu só bele selebra ho di'ak wain hira feriadu boot bele efetua iha tempu bailoron.  (Media_ADN).

LEMA ADN

  • Aprende hodi halo, halo hodi aprende;
  • Haburas kreatividade no inovativo de servisu;
  • Hametin principiu servisu salva an, salva superior/liders, salva instituisaun no salva nasaun;