info@adn.gov.tl
+670 3310289

ADN no Autoridade Lokál Monta Destakamentu ba Fatin Konstrusaun Altar.

  • Publika husi: Maximiano
  • Loron: 08/Mar/2024

Dili,08/03/2024. Relasiona ho vizita Santu Padre Francisco mai Timor Leste iha tempu besik nia laran, sei selebra mós misa boot ho nune’e mak ADN, IP halo preparasaun ba konstrusaun Altár ne’ebé maka sei utiliza ba selebrasaun misa. Altár ne’e rasik sei konstrui iha áreadór tasi tolu.

Atu konstrusaun ba altar ne’e implementa ho lais mak iha loron 07/03/2024 liu ba Diretór Ezekutivu ADN, IP Sr.Rui Lourenço da Costa hamutuk ho Assesór sira, ekipa téknika husi ADN,IP no mós  autoridade lokál, OPS koordena malu hodi fo apoiu ba kompaña hahu hari estaka ba iha fatin ne’ebé maka atu konstrui Altar misa durante vizita Santu Padre mai iha Timor Leste.

Servisu konstrusaun ba altar ne’e rasik sei hahu iha aban (08/03/2024) no serimonia tau fatuk da-uluk ba konstrusaun altar refere sei ajénda husi Primeiru Ministru no mós Sua Eminensia Kardeál rasik.

Aleinde monta destaka, D.E ADN no ekipa hala’o mós koordenasaun servisu ho autoridade no tékniku sira hotu inklui kompaña ne’ebé sei implementa projeitu konstrusaun ba altar ne’e hodi nune’e prosesu tomak ba konstrusaun bele la’o ho di’ak tanba wainhira hahu ona implementa konstrusaun mak dalan balun sei taka ba asesu públiku. (Media_ADN)

 

LEMA ADN

  • Aprende hodi halo, halo hodi aprende;
  • Haburas kreatividade no inovativo de servisu;
  • Hametin principiu servisu salva an, salva superior/liders, salva instituisaun no salva nasaun;