DIRETOR EZEKUTIVU ADN.IP PARTISIPA KOMPETISAUN OFF-ROAD RACING IHA TIBAR
- Publika husi: Ela
- Loron: 04/Sep/2023
DIRETOR
EZEKUTIVU ADN.IP PARTISIPA KOMPETISAUN OFF-ROAD RACING IHA TIBAR
Liquiça, 3 Setembru 2023- Diretór Ezekutivu Ajénsia
Dezenvolvimentu Nasionál Institutu Públiku (ADN, I.P.) Eng Mariano Renato
Monteiro da Cruz partisipa kompetisaun First Of Road Racing durante loron rua
(02-03) fulan Setembru iha Postu Administrativu Tibar Munisípiu Liquiça.
Kompetisaun off-road racing internasionál ne’e realiza ho
objetivu hodi komemora loron aniversáriu referendum 04 Setembru no atu promove
pás iha rai-laran nomós nasaun viziñu. Kompetisaun refere organiza husi
Prezidénsia Repúblika ho parseria Asosiasaun Golden River Universe no partisipa
husi ekipa sira husi nasaun Timor-Leste no Indonezia no Australia.
Kompetitor sira ne’ebé partisipa iha eventu refere, totál
hamutuk na'in 36. Husi Timor-Leste hamutuk na'in 16, kompostu husi feto na'in 4
no mane na'in 12. Enkuantu husi nasaun viziñu Indonesia hamutuk na'in 20,
kompostu husi feto na'in 3 no mane na'in 17.
Aleinde ne’e, Diretor Ezekutivu mós hetan oportunidade husi
komisaun organizadóra hodi entrega prémiu ba manán-na'in sira ne’ebé partisipa
kompetisaun refere.
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;