ADN PARTISIPA IHA ENKONTRU INTERMINISTERIÁL NO HALA’O INSPESAUN BA IHA PROJETU SIRA IHA MUNISÍPIU MANUFAHI

Manufahi, (08/08/2023)-Diretór Ezekutivu Ajénsia Dezenvolvimentu Nasionál, Institutu Públiku (ADN, IP) Eng. Mariano Renato Monteiro da Cruz hamutuk ho Ministro Ensino Superior Ciência e Cultura (MESCC) José Honório da Costa Pereira Gerónimo, Ministro Obras Públicas (MOP) Samuel Marçal no ekipa tékniku sira hala'o enkontru Ministeriál ho Superior sira husi Instituto Politécnico de Betano hodi ko'alia kona-ba Projetu New Construction of Infrastructure and Landscape Work at Polytechnic Institute of Betano.

Objetivu husi sorumutu ne'e atu halo observasaun no superviziona direta projetu konstrusaun refere. Obra ne’e responsabiliza husi Kompañia Internasionál Chongquin International Construction Corporation (CICO), kustu totál ba obra $ 396. 1658. 78 ho períodu tempu ba implementasaun tuir kontratu mak tinan ida (2023-2024).

Hafoin hala’o inspesaun no superviziona obra Instituto Politécnico Betano, Diretór Ezekutivu hamutuk ho Ministru MOP no ekipa tékniku dezloka kedas ba Sentrál Elétrika Betano hodi haree kondisaun jerál no funsionamentu Eletrisidade iha fatin refere no mós hala’o inspesaun konjunta ba Projetu New Construction of Fence Around Isolation for Covid-19 at Luak Manufahi Municipality ne’ebé responsabiliza husi Kompañia JM Unipessoal, Lda. Projetu ne’ebé mak progresu fíziku atinji ona porsentu 78 %. Aleinde ne’e Diretór Ezekutivu ho Ministru MOP no kometiva kontinua halo monitorizasaun ba Estrada Luak Manufahi ne’ebé tuir planu Ministru Obras Públiku nian sei loke tan Estrada foun ba Komunidade iha área ne’e.

Iha sorin seluk, Diretór Ezekutivu ADN, IP ho Xefi Seksaun Departamentu Edifísiu Públiku Água e Saneamento Arq. Francisco Jeronimo de Jesus hamutuk ho tékniku destakadu munisípiu Manufahi inspesiona no monitoriza projetu R4D Rural Road Rehabilitation: Holarua-Trilolo liga-Falitehu Roads Chainage 0+000-3+000 KM, Manufahi Municipality ne'ebé lokaliza iha suku Holarua. Obra refere responsabiliza husi Kompañia Katuas Patrício Unipessoal, Lda. Molok husik hela munisípiu Manufahi ekipa ne’ebé akompaña Diretór Ezekutivu halo inspesaun Ponte Abatu-Suku Holarua Munisipiu Manufahi ne’ebé hetan estragus tanba impaktu husi udan boot ne’ebé akontese iha fulan Jullu. Dadaun ne’e, Ponte refere hetan ona apoiu husi empreza lokál hodi reabilita nune’e bele fasilita komunidade sira atu bele asesu provizóriu.