ADN ENTREGA RELATÓRIU SERBISU BA MINISTRU PLANEAMENTU INVESTIMENTU ESTRATÉJIKU FOUN

Díli, 4 Jullu 2023: Diretór Ezekutivu Ajénsia Dezenvolvimentu Nasionál, Institutu Públiku (ADN, I.P) Eng. Mariano Renato Monteiro da Cruz akompaña husi Diretór Adjuntu, Eng. Januario Maia Guterres ho ekipa entrega relatóriu serbisu ADN, I.P. ba S.E Ministru Planeamentu Investimentu Estartéjiku foun Eng. Gastão Francisco de Sousa, iha salaun enkontru Ministru, Ministériu Planu Investimentu Estratéjiku, Fatudaha.

Diretór Ezekutivu, antes entrega relatóriu serbisu ADN nian, halo uluk aprezentasaun ba S.E Ministru MPIE Gastão Sousa ho ekipa kona-ba profile atuál ADN, I.P hanesan Base Legal ADN, I.P, no Kompeténsia Servisu ne’ebé atribui bazeia ba Dekretu Lei 60/2020 de 25 de Novembro.

Aleinde ida ne’e mós aprezenta sitema Project Management Information System (PMIS) ne’ebé ADN dezenvolve no implementa hodi halo kontrolu ba serbisu insitutuisaun ninian.

Antes ne’e Diretór Ezekutivu, partisipa uluk iha reuniaun ne’ebé halo entre Vise Primeiru Ministru no Ministru Planu Ordenamentu sesante, Eng. Jose Maria dos Reis ho Ministru Planeamentu Investimentu Estartéjiku foun Eng. Gastão Francisco de Sousa.

Iha biban ne’e Ministru Planu Ordenamentu sesante entrega relatóriu serbisu durante mandatu ne’ebé hahú husi fulan juñu 2020 to’o fulan juñu 2023 ba Ministru Planeamentu Investimentu Estratéjiku foun. 

Hafoin reuniaun handover serbisu husi Ministru MPO sesante ba Ministru foun MPIE, Ministru sesante hatete tuir lolos reuniaun halo antes maibé tanba oráriu la kompativel nune’e adia ba loron ohin, tersa-feira.

“Tuir lolos halo tiha ona reuniaun maibé problema ba oráriu la kompativel entaun halo fila fali ba ohin para hodi bele entrega rezultadu traballu ne’ebé mak durante mandatu MPO nian husi fulan juñu 2020 to’o fulan juñu 2023. Rrezultadu hirak ne’ebé mak ha’u foin entrega ba Sr. Ministru foun kona-ba MPO ninia rezultadu traballu sira ne’ebé akomoda mak iha Planu Territoriais, Ordenamentu Nasionál no Odenamentu Munisipál iha munisípiu rua hanesan Bobonaro no Emera no mós kontinausaun estudu ba sidade Díli nian, rezultadu estudu ne’e mós entrega hela ba Sr. Ministru inklui relatóriu sira infraestrutura ninian ne’ebé mak ami tenta hadi’a sistema balun iha ADN, iha SGP no mós planu dezenvolvimentu estratéjiku reajustadu ne’ebé aprova iha Konsellu Ministru, ida ne’e mós ohin entrega ba Sr. Ministru depende ba kompeténsia Sr Ministru nian iha estrutura foun ba governu dasia para atu bele fó kotinuidade ba traballu sira ne’e.

Vise Primeiru Ministru sesante mós hatete katak atu servi ba estadu ida ne’e nia parte sei kontinua fó apoiu ba governu foun ne’e hodi dezenvolve planu sira ne’ebé nono governu iha.

Iha okaziauh henesan Ministru MPIE foun hatete katak programa ne’ebé MPO halo sei kontinua tuir orgániku nono governu ninian.

“Programa sira ne’ebé ohin diskuti sei tetan atu halo finalizasaun para bele haruka ba Parlamentu Nasionál atu aprova no promulag mak foin iha ne’e ita prapra saida mak tenki halo para hodi halo ba oin depende mós ba iha orgánika ministériu ne’e nian.

“Em prinsípiu buat ne’ebé mak Sr. Vise Primeiru-Ministru sesante husik hela, ami sei fó kotinuidade tuir orgánika ne’ebé fó kompeténsia mai ami. Planu ordenamentu teritóriu no planu urbanu sira ne’e hotu importante no halo jestaun ba fundu das infreestruturas no mós jestaun projetu ninian tenki haree hotu” heteten Ministru atuál.

Investimentu iha rai laran labele depende de’it ba iha OJE Timor-Leste ninian maibé tenki dada mós invetór husi rai liur.

“Atu haree mós oinsa ita bele dada investór husi rai liur, se hakara dezenvolve, ita labele depende de’it ba ita nia Orsamentu Jerál Estadu (OJE) maibé depende mós ba iha investimentu sira husi rai liur” konklui.

Marka prezensa iha reuniaun ne’e Diretór Jerál Administrasaun Finanasas, Diretór Jerál Planu Ordenamentu, Diretora Secretarido Grandes Projetos, Xefi Gabinete sesante no atuál, Asesór, tékniku no media sira.