Dili- Loron 14 Dezembru 2022- Diretór Ezekutivu Ajénsia Dezenvolvimentu Nasionál Institutu Públiku (ADN, I.P.) Eng. Mariano Renato Monteiro da Cruz ho nia Adjuntu Diretór Ezekutivu Eng. Januario M. Guterres hala’o enkontru ho Xefi Estadu Maior-Jenerál Falintil-FFDTL Tenente Jenerál Falur Rate Laek, iha Quertel Geral F-FDTL, fatuhada.

Iha sorumutu ne’e Diretór Ezekutivu ADN, I.P. aprezenta ba Xefi Estadu Maior-Jenerál Falintil-FFDTL kona-ba rezultadu ba inspesaun projetu reabilitasaun uma veteranus ne’ebé harii iha munisípiu Lautem.

Antes ne’e iha dia, 12 dezembru liu ba Diretór Ezekutivu akompaña husi Diretór Adjuntu ho ekipa enjeñeiru ADN ne’bé destakadu iha munisípiu refere hala’o ona inspesaun ba projetu refere ne’ebé kaer husi kompaña Venzus no daudaun ne’e obra konstrusaun edifísiu refere atinji ona porsentu 100 maski nune’e nafatin orienta ekipa tékniku sira atu kompleta asesoris ka item balu ne’ebé seidauk kompletu.

Iha biban hanesan, Maior Jenerál orienta parte ADN atu prepara karta formál ida hodi fó koñesimentu ba parte Ministério Defesa atu kontinua halo inspesaun konjunta ADN.IP antes kontinua to’o halo termo de entrega ba projetu na’in ka dono do projeto.