REUNIAUN KAFI DISKUTI KONA-BA FUNDU INFRAESTRUTURA INKLUI ATUALIZA PROGRESU IMPLEMENTASAUN PROJETU ESTRADA DIRESAUN LAGA-BAGIA, UAIAKA-KELIKAI-OSSU

Loron kinta, 16 Juñu 2022: Diretór Ezekutivu Interinu, Adjuntu Diretór, Ajénsia Dezenvolvimentu Nasionál, Institutu Públiku (ADN, I.P.) Eng. Januário Maia Guterres partisipa iha reuniaun Konsellu Administrasaun Fundu Infraestrutura (KAFI) ne’ebé prezide husi Prezidente KAFI Interinu, atuál Ministru Finansas (MF), Dr. Rui Augusto Gomes, hodi diskuti kona-ba Fundu Infraestrutura inklui atualiza progresu implementasaun projetu estrada diresaun Laga-Bagia, Uaiaka-Kelikai-Ossu, iha Ministériu Finansas Aitarak-Laran.

Marka prezensa iha sorumutu ne’e Ministru Obras Públikas (MOP), Eng. Abel Pires da Silva, Ministru Transporte no Komunikasaun (MTK), Sr. José Agustinho, Ministru Planu no Ordenamentu Internu atuál Ministru Administrasaun Estatal (MAE), Sr. Miguel de Carvalho, Diretóra Secretarido Grandes Projetos, Sra. Maria Odete Freitas, Diretór Nasionál Aprovizionamentu  Sr. Hermingardo A. Soares, Diretór Jerál Obras Públikas (DJOP), Sr. Rui Hernani, Diretór Nasionál Estrada, Ponte no Kontrolu i Seias (DNEPCC) Eng. Milton Ramanata de Castro Monteiro nomós ekipa tékniku sira husi Ministériu relevante sira seluk.