KOORDENADÓR UGA ADN, I.P FÓ APRESIASAUN NO AGRADESIMENTU BA ESTAJIÁRIA UNPAZ

Loron-kuarta, 8 Juñu 2022, Ajénsia Dezenvolvimentu Nasionál (ADN, I.P.) liu husi Koordenadór Unidade Gestaun Administrativa (UGA) Sr. Nelson Soares Pinto hato’o apresiasaun no agradesimentu ba Universidade da Paz (UNPAZ) liu husi Dosente Oreintadór Sr. Cristino Gusmão SE.MM ne’ebé bele eskolla ona Ajénsia Dezenvolvimentu Nasionál (ADN, I.P.) liu-liu iha Unidade Gestaun Administrativa hodi disponibiliza estájiaria Ilda Carlota Freitas Belo husi Faculdade Ekonomia, Departamentu Jestaun hodi mai aprende kona-ba sistema jestaun finansas no administrativa. Sala reuniaun UGA.

Estajiaria hala’o estájiu durante fulan ida hahú 3 Maiu to’o 8 Juñu agradese ba Koordenadór Sr. Nelson Soares Pinto nia orientasaun servisu sira sempre di’ak no estudante konsege aprende koan-ba asuntu korespondénsia inklui sistema jestaun finansas no administrativa ninian maski ho limitasaun tempu fulan ida maibé konsege adapta no dezenvolve.

Dosente Oreintadór Sr. Cristino Gusmão SE.MM agradese ba Estrutura ADN, I.P. Koordenadór UGA ho ekipa liu-liu mós ba Diretór Ezekutivu bele disponibiliza fatin hodi estudante sira halo estájiu no nia parte kompromete katak tempu tuir mai universidade sei haruka tán estajiáriu mai ADN.