DE HO NIA ADJUNTU HALA'O ENKONTRU HO TÉKNIKU UNTL
- Publika husi: Samuel
- Loron: 23/Jun/2022
DE HO NIA ADJUNTU
HALA'O ENKONTRU HO TÉKNIKU UNTL
Díli, Loron kuarta
22 Juñu 2022- Diretór Ezekutivu Ajénsia Dezenvolvimentu Nasionál Institutu
Públiku (ADN.IP Eng. Mariano Renato Monteiro da Cruz ho Adjuntu Eng. Januario
M. Guterres hamutuk ho koordenadora Unidade Kontrolu Validasaun Kualidade
(sigla-portugés UCVQ) Eng. Emerenciana da Costa M. Freitas nomós tékniku sira
halo enkontru ho ekipa tékniku UNTL Hera, iha sala reuniaun DE ADN Fatuhada.
Durante enkontru
ekipa tekniku UNTL halo aprezentasaun kona-ba projetu Fakuldade Agrikultura
UNTL Hera ho objetivu atu atualiza ba ADN kona-ba progresu servisu tuir planu
ezekusaun no gastus adisionál ba projetu ida ne’e.
Aleinde ne’e sira
mós informa kona-ba servisu adisionál no mudansa dezeñu iha terenu tanba
tékniku sira identifika katak rai ne’ebé utiliza ba projetu ida ne’e mosu
erozaun bainhira tempu udan, tanba ne’e presiza ADN atu haree kona-ba mudansa
dezeñu atu verifika no aprova fila fali.
Enkuantu Diretór
Ezekutivu husu ba sira atu konfirma ho parte laboratóriu hodi halo teste ba rai
ne’ebé atu utiliza nune'e bele hatene rai nia forsa molok halo projetu ruma no
husu mós sira atu prepara dezeñu tékniku ho formulasaun ne’ebé klaru hodi mai
aprezenta hafoin bele diskute no foti desizaun.
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;