DIRETÓR EZEKUTIVU INTERINU, ADJUNTU DIRETÓR, PARTISIPA REUNIAUN KONA-BA KONFIRMASAUN DADUS JESTAUN FROTA

Loron sesta, 17 Juñu 2022: Diretór Ezekutivu Interinu, Adjuntu Diretór, Ajénsia Dezenvolvimentu Nasionál, Institutu Públiku (ADN, I.P.) Eng. Januário Maia Guterres akomapaña husi Chefi Equipa Base de Dados, Susana Sinala do Rego Amaral no Xefi Departamentu Lojístika Sr. Jose Amaral partisipa reuniaun kona-ba Konfirmasaun dadus Jestaun Frota ne’ebé lidera husi Diretór Jerál Patrimóniu Estadu, Ministériu Finansas Sr. Januário da Gama iha sala enkontru DJJPE, Balide, Díli.

Reuniaun ne’e realiza bazeia ba Rezolusaun governu númeru 30/2021 kona-ba jesatun no realokasaun veíkulu estadu liu husi servisu inspesaun no konfirmasaun ne’ebé halo to’o ona faze finál implementasaun hodi bele konklui preprasaun relatóriu finál, nune’e, hodi asegura koerénsia ba dadus Jestaun Frota nian entre MF-DJJPE ho LM/IE/SFA no munisípiu inklui RAEOA-ZEESM.

Durante iha reuniaun ne’e Diretór Ezekutivu Interinu, Adjuntu Diretór aprezenta veíkulu ne’ebé iha ADN, I.P. hanesan veíkulu no motorizada nomós justifika serbisu ne’ebé ADN halo katak veíkulu ba ADN sei mantén tanba nesesidade serbisu verifikasaun no inspesaun ba projetu sira iha terenu.