Loron-segunda, 16 Maiu 2022: Diretor Ezekutivu Eng. Mariano Renato Monteiro da Cruz, ho Adjuntu Diretór Eng. Januario M. Guterres akompaña Prezidente Parlamentu Nasionál Dr. Aniceto Guterres ho ekipa akompaña mós husi Prezidente Komisaun Organizadora S.E Ministru Administração Estatal, Sr. Miguel Pereira de Carvalho hodi observa direta Fatin Preparasaun Tasi-Tolu.

Husi biban ne’e mós ekipa lojístika Ajénsia Dezenvolvimentu Nasionál, Institutu Públiku (ADN, IP) Liu husi nia Ekipa Tékniku 20-Maiu atualiza lala’ok preparasau iha inspesaun no monitorizasaun rutina iha fatin Komemorasaun loron restaurasaun independensia 20 Maiu no Serimónia ba Investidura Prezidente Repúblika foun iha Tasi-tolu husi loron Segunda-Sabadu no Domingu ba iha fatin serimónia refere.

Atualizasaun progresu preparasaun iha terrenu ekipa tékniku 20-Maiu hahú husi dia 15- to’o 16 Maiu halo monitorizasaun másimu ba servisu sira hanesan dekorasaun iha Tribune ba partisipantes, instalasaun liña eletrisidade no servisu liña tráfiku ba área estasionamentu públiku.

Mídia ADN