ADN, IP NO SEII HALO KONSULTASAUN FAZE DARUAK - DEKLARASAUN MAUBISSE IHA  SETÓR

INFRAESTRUTURA

Governu Timor-Leste kumpremetidu ba Implementasaun  Faze Daruak  Deklarasaun Maubisse períodu  2018-2023 mak asina iha 12 de Outubro de 2018, husi liña Ministériu no Sekretaria Estadu sira inklui Ministério do Plano e Ordenamento ne’ebé antes ne’e liuhusi Ministério do Planeamento e Investimento Estratégico (MPIE).

Ministério do Plano e Ordenamento liuhusi ADN, I.P. iha nia Plano Anual 2022  programa 980 :  Igualdade de Género e Inclusão Social sei halo konsultasaun  ho entidades sira  Governu nian inklui seitór privadu sira, hodi haree  implementasaun tarjetu sira iha deklarasaun Maubisse  iha setór infraestrutura.

Konsultasaun ne’e realiza ona iha Dia 13  de Janeiro-21 de Janeiro 2022, ho entidades sira mak hanesan: Agência de Desenvolvimento Nacional (ADN.IP); Komisaun Nasionál ba Aprovizionamentu (CNA) ; Sekretária Estadu ba Igualdade no Inkluzaun (SEII); Ministériu Planu no Ordenamentu (MPO); Sekretariadu Grande Projetu (SGP) ; Ministériu Finansas (MdF); Sekretáriu Estadu Formasaun Profisionál no Empregu (SEFOPE); Ministériu Administrasaun Estatál (MAE); Associação Empresarial das Mulheres Timor-Leste (AEMTL); Asosiasaun Defisiensia Timor-Leste (ADTL); Banco Nacional de Comércio de Timor-Leste (BNCTL); Câmara Comercio e Industria Timor-Leste (CCITL); Instituto de Apoio ao Desenvolvimento Empresarial (IADE); Ministériu Transporte no Komunikasaun, (MTK), Ministériu Turizmu, Komérsiu no Indústria (MTKI); Ajénsia Nasionál Planeamentu, Monitorizasaun no Avaliasaun (ANAPMA),  Ministériu Obras Públikas (MOP), SERVE, IP no Estatístika  inklui  organizasaun nao govermental no Parseiru Dezenvolvimentu sira seluk.

Objetivu husi konsultasaun ida ne’e mak atu haree kona-ba dezafiu sira ne’ebé infrenta iha  implementasaun faze daruak deklarasaun Maubisse hodi  nune’e  bele  dezenvolve fali polítika  ka matadalan atu  quia   instituisaun sira  hodi atinji alvu sira mak kumpremetidu  ona no  Rezultadu husi Konsultasaun sei dezenvolve Roadmap, matadalan no quião  sira  hodi bele responde ba dezafiu  no problema sira ne’ebé identifika  durante iha prosesu konsultasaun.

Programa ida ne’e nu’udar programa konjunta husi  ADN, I.P; Ministério do Plano e Ordenamento liuhusi  CPI no Secretaria Estadu ba Iqualdade no Inkluzaun (SEII) no Programa  ida ne’e  hetan suporta  finansiamentu husi parseiru dezenvolvimentu  DFAT- Austrália liuhusi programa Patnership for Infraestucture (P4I)  mak opera iha Região  Asean Sudeste no Fundasaun Asean/ The Asean Foundation mak sai nu’udar Ajénsia implmentadór hodi servisu hamutuk ho governu ba implementa programa ida ne’e.