DIRETÓR EZEKUTIVU ADN,IP ENKONTRU DARUAK HO TÉKNIKU SIRA KONA-BA PREPARASAUN 20 DE MAIU.
- Publika husi: Ela
- Loron: 10/Feb/2022
DIRETÓR EZEKUTIVU ADN,IP ENKONTRU DARUAK HO TÉKNIKU SIRA KONA-BA PREPARASAUN 20 DE MAIU.
Loron-tersa, 8 Fevereiru 2022: Diretór Ezekutivu Ajénsia Dezenvolvimentu Nasionál, Institutu Públiku (ADN, IP) Eng. Mariano Renato Monteiro da Cruz ho nia Adjuntu Eng. Januario M. Guterres hamutuk ho tékniku sira hala’o enkontru daruak hodi ko'alia kona-ba preparasaun 20 Maiu 2022 no tomada de pose ba Prezidente Repúblika 2022-2027.
Iha sorumutu ne’e, Xefe Departamentu Edifikasaun, agua no Saneamentu Arq. Francisco Xavier de Deus Jeronimo halo aprezentasaun ba Diretór Ezekutivu ho ekipa kona-ba kondisaun fatin atuál no layout dezeñu fatin ne’ebe identifika ona atu harii tenda hodi prepara ba eventu rua ne’e.
Tanba ne’e tuir observasaun ne’ebé ekipa halo ona liu husi levantamentu dadus, presiza atu rebilita ba fasilidade hirak ne’ebé estragus mak hanesan bandeira nia riin, área uma adat, fatin ba seguransa sosiál no pesoál saúde nian, estasionamentu kareta no motorizada, hariis fatin públiku inklui mós Estrada iha área Tasi-tolu nian ne’ebé kondisaun aat hela.
Nune’e diretór ezekutivu husu atu ekipa ne’ebé responsabiliza ba sesauun lojistika, tranporte nomos dekorasaun atu hahu hala’o servisu no tenke iha kooperasaun di’ak ba malu nafatin nune'e bele finaliza ho susesu.
Mídia ADN.
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;