Loron-kuarta, 16 Fevereiru 2022: Diretór Ezekutivu Ajénsia Dezenvolvimentu Nasionál, Institutu Públiku (ADN, IP) Eng. Mariano Renato Monteiro da Cruz ho nia Adjuntu Eng. Januario M. Guterres hamutuk ho koordenadór sira hala’o enkontru ho ekipa Japan International Cooperation Agency (JICA) iha sala enkontru MPO/ADN.

Enkontru refere ADN husu JICA atu fó apoiu tékniku ba ADN hodi fasilita formasaun liu-liu iha área espesífiku sira hanesan enjeñeiru nian nune’e, bele dezenvolve liu tan tékniku ADN sira nia koñesementu iha área ida ne’e.

Diretór Ezekutivu iha biban ne’e halo aprezentasaun ba ekipa JICA kona-ba ADN nia lala’ok servisu sira liu husi introdusaun kona-ba ADN nia funsaun, estrutura, totál funsionáriu enjeñeiru no nonjeñeiru, inklui asesór nasionál no internasionál sira ne’ebé hala’o servisu iha ADN no perspetiva instituisaun nian ba futuru.

Tanba ne’e ekipa JICA mós agradese ba sorumutu ida ne’e no aprezentasaun husi Diretór Ezekutivu nian ne’ebé ekipa JICA sei diskute asuntu ne’e iha sira nia área no prontu atu halo kooperasaun ho ADN hodi fasilita iha área tékniku nian.

Mídia ADN.