DIRETÓR EZEKUTIVU HALA’O ENKONTRU DAHULUK HO KOORDENADÓR NO ASESÓR SIRA KONA-BA PREPARASAUN BA 20 DE MAIO 2022
- Publika husi: Ela
- Loron: 07/Feb/2022
DIRETÓR EZEKUTIVU HALA’O ENKONTRU DAHULUK HO KOORDENADÓR NO ASESÓR SIRA KONA-BA PREPARASAUN BA 20 DE MAIO 2022
Loron-kuarta, 3 Fevereiru 2022: Diretór Ezekutivu Ajénsia Dezenvolvimentu Nasionál, Institutu Públiku (ADN, IP) Eng. Mariano Renato Monteiro da Cruz ho nia Adjuntu hala’o enkontru dahuluk ho koordenadór, asesór nomós tékniku sira kona-ba preparasaun 20 de maio iha sala reuniaun MPO/ADN.
Iha sorumutu ne’e, Diretór Ezekutivu atualiza informasaun kona-ba ADN ninia responsabilidade ba komemorasaun loron 20 de maio 2022 nomós serimonia tomada de pose ba Prezidente Repúiblika períudu 2022-2027. ADN hola parte iha sesaun transporte, lojístika no dekorasaun. Tanba ne’e Diretór Ezekutivu konvoka reuniaun hodi diskute kona-ba mekanizmu serbisu kooperasaun hodi halo layout ba dezeñu no prepara mós ekipamentu no materiál ne’ebé nesesáriu ba intalasaun fatin serimónia iha Tasi Tolu.
Mídia ADN
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;