DIRETÓR EZEKUTIVU HALA’O ENKONTRU HO TIC. TIMOR
- Publika husi: Ela
- Loron: 20/Jan/2022
DIRETÓR EZEKUTIVU HALA’O ENKONTRU HO TIC. TIMOR
Loron-segunda, 17 Janeiru 2022: Diretór Ezekutivu Ajénsia Dezenvolvimentu Nasionál, Institutu Públiku (ADN, IP) Eng. Mariano Renato Monteiro da Cruz ho asesor IT hala'o enkontru ho ekipa tékniku TIC.TIMOR iha sala reuniaun Diretór Ezekutivu MPO/ADN.
Objetivu husi sorumutu ne’e atu halo koordenasaun servisu entre ADN ho TIC.TIMOR ne’e atu informa ba ADN kona-ba Programa ID Úniku ho orsamentu OJE 2022 ne’ebé aloka ona ba TIC Timor nomós atu hatene kona-ba prosesu verifikasaun ba aprovizionamentu kapitál menór tuir knar ADN nian.
Tanba iha prosesu aprovizionamentu ne’e ADB (Asian Development Bank) sei fó apoiu ba TIC TIMOR I.P., hodi prepara dokumentu sira hanesan ToR no BoQ ba aprovizionamentu kapitál menór (hardware, software no system integrator) sira atu nune’e TIC bele halo prosesu tenderizasaun.
Nune’e, Diretór Ezekutivu agradese ba koordenasaun servisu ne’e no esplika mós kona-ba lalaok servisu no papel ADN nian no prosesu verifikasaun no aprovasaun ba dokumentus nomós haree presu materiál ba projetu hotu ne’ebé atu implementa iha territóriu tomak.
Mídia ADN
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;