DIRETÓR EZEKUTIVU PARTISIPA REUNIAUN PRELIMINAR SELEBRASAUN 20 DE MAIO 2022
- Publika husi: Samuel
- Loron: 31/Jan/2022
DIRETÓR EZEKUTIVU PARTISIPA REUNIAUN PRELIMINAR SELEBRASAUN 20 DE MAIO 2022
Loron-segunda, 31 Janeiru 2022: Diretór Ezekutivu Ajénsia Dezenvolvimentu Nasionál, Institutu Públiku (ADN, IP) Eng. Mariano Renato Monteiro da Cruz hamutuk xefe Departamentu Edifikasaun, Agua no Saneamentu Arq. Francisco Xavier de Deus Jeronimo partisipa enkontru preliminar Komisaun Organizadora ba Selebrasaun 20 de Maio no tomada de pose ba Prezidente Repúblika períodu (2022-2027), iha salaun enkontru Ministériu Negósius Estranjeirus no Kooperasaun, Praia de Coqueiros, Díli.
Reuniaun ne’ebé lidera husi S.E Ministru Administrasaun Estatál Dr. Miguel Pereira de Carvalho hanesan mós Prezidente Komisaun Organizadora 20 de Maio no tomada de pose ba Prezidente Repúblika períodu (2022-2027) akompaña husi Vise Prezidente I Ministra Negósius Estranjeirus no Kooperasaun, Adaljiza Albertina Xavier Reis Magno no Vise Prezidente II Ministru Turizmu, Komérsiu no Indústria José Lucas do Carmo da Silva hodi ko’alia kona-ba preparasaun ba serimónia rua ne’e.
Nune’e, objetivu husi enkontru ne’e aprezenta kona-ba responsabilidade ne’ebé Minisériu, Instituisaun no entidade ida-idak asumi hodi ezekuta ho responsabilidade ba realizasaun eventu refere.
Nune’e, ADN hamutuk ho ministériu sira hanesan Ministériu Finansas, Ministériu Administrasaun Estatál no tékniku sira husi PDIM no PNDS sei responsabiliza iha sesaun transporte, lojístika nomós dekorasaun ba eventu refere.
Mídia ADN
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;