DIRETÓR EZEKUTIVU ADN, IP PARTISIPA INAUGURASAUN IGREJA SAGRADA CORAÇÃO DE JESUS – BEKORA
- Publika husi: Samuel
- Loron: 21/Nov/2021
DIRETÓR EZEKUTIVU ADN,
IP PARTISIPA INAUGURASAUN IGREJA SAGRADA CORAÇÃO DE JESUS – BEKORA
Loron-domingu, 21 Novembru 2021: Diretór Ezekutivu Ajénsia Dezenvolvimentu Nasionál (ADN, IP) Eng. Mariano Renato Monteiro da Cruz, partisipa iha serimónia inaugurasaun Igareja Sagrada Coração de Jesus – Bekora ne´ebé inaugura husi Primeiru-Ministru Taur Matan Ruak no hetan besaun husi Arsebispu Arkedioseze Metropolitanu Díli, Dom Virgílio do Cramo da Silva.
Iha biban ne´e Xefi Governu agradese ba entidade hotu no rekoñese mós ADN uluk no atuál ne´ebé fó apoiu maka´as ba konstrusaun igreja ne´e finaliza ho kualidade di´ak.
Konstrusaun ba igreja ne´e hahú husi tinan 2015, ho Fundu hosi Gabinete Apoiu Sosiedade Sivíl millaun 1.7 dolar amerikanu, Dioseze rihun 300 nomós hetan kontribuisaun hosi sarani no parte relevante sira seluk.
Partisipa
mós iha serimóni ne´e Vise Prezidente Parlamentu Nasionál, Padre, Madre média, no
sarani Parókia Bekora.
Mídia ADN
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;