DIRETÓR EZEKUTIVU ADN, IP HALA’O INSPESAUN IHA TERRENU HAMUTUK HO DIRETÓR PMU (MOP)
- Publika husi: David
- Loron: 13/Oct/2021
DIRETÓR EZEKUTIVU ADN, IP HALA’O INSPESAUN IHA TERRENU HAMUTUK HO DIRETÓR PMU (MOP)
Liquiça, 13 Outubru 2021.
Diretór Ezekutivu Ajénsia Dezenvolvimentu Nasionál, Institutu Públiku (ADN,IP) Eng. Mariano Renato M. da Cruz akompaña husi ekipa apoiu Gabinete DE hamutuk ho koordenadora Unidade Kontrolu no Validasaun Kualidade ho nia Ekipa Tékniku Nasionál no Munisípiu Liquiça hala’o inspesaun hodi monitoriza projetu emerjénsia ba mota Tibar ne’ebé implementa husi kompañia SALI-MAGU Unip. Lda.
Iha terrenu Diretór ADN husu ba ekipa tékniku kompañia sira atu koordena hamutuk ho Obras Públika hodi haree ba área kritikál sira ne’ebé mak persiza deskute hodi foti solusaun.
Hafoin ne´e, Diretór ADN hamutuk ho nia ekipa akompaña mós Diretór Project Manager Unite (PMU) husi Ministériu Obras Públika Sr. Sidónio Amaral Freitas ho ekipa hala’o enkontru hamutuk ho konsultan Dongsung hodi ko´alia kona-ba projetu ne’ebé sira implementa ona iha terrenu ba projetu upgrading and mantenence of Maubara-Karimbala, Atabae-Mota ain.
Alende enkontru Diretór ADN ho nia ekipa akompaña mós ho Diretór PMU hala´o kedas inspesaun konjunta hodi monitoriza obra balun ne’ebé mak hetan estragus husi kalamidade destres naturais ne´ebé akontese iha, 4 Abril tinan ne´e.
Mídia ADN
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;