DIRETÓR EZEKUTIVU HALA’O ENKONTRU HO ADMINISTRADÓR SIRA IHA MUNISIPIU (3)

Baucau, 27 Setembru

Diretór Ezekutivu Ajénsia Dezenvolvimentu Nasionál Institutu Públiku (ADN,IP) Eng. Mariano Renato Monteiro da Cruz hamutuk ho Koordenadora Kontrolu no Validasaun Kualidade, ekipa tékniku munisipiu sira no tékniku Gabinete Diretór Ezekutivu halao enkontru ho Prezidente Autoridade Lokal Munisipiu Baucau no administradór munisipiu Lautem no Viqueque durante loron  tolu (27,28 no 30)

Iha sorumutu ne’e Diretór Ezekutivu diskute ho prezidente autoridade lokal no administradór Munisípal sira hodi koalia kona-ba koordenasaun servisu. Alende ne’e, nia informa mós kona-ba projetu hotu ne’ebé implementa hela iha kada munisipiu hirak ne’e. tanba ne’e Diretór Ezekutivu husu ba autoridade lokál sira atu kopera ho ekipa tékniku sira hodi halo kontrola ba projetu ne’ebé lao iha sira nia area.

Depois de enkontru ho Prezidente Autoridade Munisipiu Baucau, Diretór Ezekutivu mós kontinua halo inspeksaun iha terrenu ba projetu Upgrading and Maintenance of Baucau to Lautem Roods ne’ebé hetan supervizaun husi konsultan Dongsung Enginering Co, Ltd JV with Kunhwa Enginering and Consulting Co, Ltd. Ne’ebé akompaña husi tékniku Gabinete Diretór Ezekutivu no Koordenadora Unidade Kontrolu no Validasaun Kualidade ho nia ekipa tékniku munisipiu sira.

Hafoin ne’e iha dia 28 Setembru 2021 Diretór Ezekutivu Ajénsia Dezenvolvimentu Nasionál Institutu Públiku, (ADN,IP) Eng. Mariano Renato Monteiro da Cruz komtinua halo enkontru hamutuk ho Administrador Munisípiu Lautem ho asuntu no objetuvu ne’ebé hanesan iha munisipiu Baucau.

Depois de enkontru Diretór Ezekutivu ho nia ekipa tun direta ba terrenu hodi haree projetu edifisiu uma Veteranus ne’ebé implementa husi kompañia Davinci .Unip. Lda no mós konstrusaun Edifisiu sala Izolamentu ba moras Covid-19 CHC Lospalos, ne’ebé kaer husi kompaña Rich Unip. Lda, aumesmu tempu  haree mós edifisiu Laboratorium Covid-19 lospalos ne’ebé responsabiliza husi kompañia Parapa Bemiziw Start Unip. Lda. Alende ne’e kontinua halo monitorizasaun no inspeksaun ba projetu Estrada Tutuala nian ne’ebé implementa husi kompañia Consorcio Vacu-Hiamoinu Unip. Lda no kompañia Hamutuk Unip. Lda.

Depois de Munisipiu Lautem Diretór Ezekutivu kontinua hala’o enkontru ho Administrador Munisípiu Viqueque iha dia 30 de setembru ho asuntu ne’ebé hanesan iha munisípiu Baucau no Lautem.

Alende ne’e, Diretór Ezekutivu ho nia ekipa tekniku kontinua halo inspeksaun no monitorizasaun ba projetu Upgrading and maintenance of Baucau–Viqueque Highway project Lot I: Baucau to Venilale (Km. 03 +740 to Km. 27 + 120). Hafoin ne’e Diretór Ezekutivu ho ekipa kontinua hala’o inspeksaun hodi monitoriza projetu Estrada Lot II: Venilale to Viqueque ho (Km. 27+120 to Km. 62+010) ne’ebé implementa husi kompañia China Railway int. Group co,jv with China Oversees.