REUNIAUN PRE-KAFI: DESKUTE PROJETU INFRAESTRUTURA NE’EBÉ LA IHA EZEKUSAUN HUSI LIÑA MINISTERIAIS
- Publika husi: David
- Loron: 27/Jul/2021
Ajénsia Dezenvolvimentu Nasionál, Institutu Públiku (ADN, IP)
Dili, 27 Jullu 2021
ADN,IP, SGP no CNA bolu parte dono projetu hotu husi liña
ministeriál sira hodi deskute no priense kuestionariu Fundu Infraestrutura
ne’ebé atribui ona ba kada projetu na’in sira kabe ba instituisaun ka ajénsia
sira tomak ne’ebé nia projetu balun finansia husi FI, iha ne’ebé identifika ona
katak iha problema.
Reuniaun Preleminariu Konsellu Administrasaun Fundu
Infraestrutura (PRE-KAFI) ne’ebé prezide husi Diretór Sekretariadu Grande
Projetu Eng. Krispin R. Fernandes ne’e hala’o iha salaun SGP Palásiu Guvernu,
durante semana rua resin.
Durante iha reuniaun ne’e, husu parte liña ministeriál sira
nesesita resposta ka halo justifikasaun tuir projetu nia issue no status sira,
nune’e bele identifika projetu sira ne’ebé nesesita deliberasaun no rezolusaun
husi parte KAFI ka Konsellu Ministru.
Iha enkontru ne’e deskute mós planu ezekusaun orsamentál ne’ebé
di’ak no efikasia ba tinan 2022 entre ajénsia relevantes sira tomak kona-ba
asuntu tékniku, no mós rekolla informasaun sira ne’ebé sei aprezenta ba CAFI
hodi bele foti desizaun kona-ba ezekusaun programa no projetu FI ida idak ba
tinan 2022 nian.
Reuniaun refere hahú iha loron 14 fulan ne’e, no termina iha
loron tersa 27 jullu tinan 2021, iha ne’ebé partisipa másimu husi Adjuntu
Diretór ADN, IP Eng. Januario M. Guterres.
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;