Dili,25/10/2024. Diretór Ezekutivu ADN,I.P Sr. Rui Lourenço da Costa hamutuk Adjuntu Diretór Ezekutivu ADN,I.P Eng. Januario M.Guterres, Koordenadór no Kordenadóra sira husi ADN,I.P inklui Assesór sira ADN,I.P nian, iha loron Kita-Feira (24/10/2024) akompaña Ministru Planeamentu Investimentu Estratejiku (MPIE) S.E Eng. Gastão Fransisco de Sousa hodi partisipa iha audiénsia ho Komisaun E Parlamentu Nasionál ne’ebé trata asuntu Infraestrutura. Audiénsia ne’e rasik hala’o iha Sala Reuniaun Komisaun E Parlamentu Nasionál.

Iha Audiénsia ne’e, foku ba iha apresiasaun inisiál PPL 12/VI/(2ª) kona-ba Orsamentu Jerál Estadu (OJE) 2025 no mós ezekusaun Jerál Estadu 2024 nian.

Proposta OJE ADN,I.P nian ba tinan 2025  ho totál $ 4,917,208 ne’ebé fahe ba kategoria haat (4) maka hanesan; Salariu no Vensimentu $ 3,111,605; Bens no Servisu $ 926,060; Kapitál Menor $ 400,000; no Kapitál Dezenvolvimentu $ 479,543.

Orsamentu Tinan 2024 nian, ADN,I.P iha Orsamentu ho montante $ 4,601,066.00  no ezekusaun ba orsamentu ne’e rasik atinje ona pursentu 67,9, no sei kontinua nafatin hodi ezekuta hodi bele atinjé até pursentu ne’ebé tarjetu ona ba iha tinan ida ne’e.

Aleinde D.E ADN,I.P ho nia ekipa, iha mós Instituisaun seluk ne’ebé tutela bai ha MPIE marka mós prezensa iha audiénsia ne’e hodi akompaña Ministru MPIE partisipa iha audiénsia ho Komisaun E Parlamentu Nasionál ne’ebé trata asuntu Infraestrutura ne’e, Instituisaun hirak ne’e maka hanesan FDCH, CNA, no mós Sekretariadu Grande Projetu. Audiénsia ida ne’e rasik lidera direita husi Prezidente Komisaun E Deputadu Marcos Xavier no partisipa másimu husi Membrus sira hotu. (Media_ADN)