Dili, 15/08/2025. Ajénsia Dezenvolvimentu Nasionál liu husi Diretór Ezekutivu Interiñu Eng. Januario M.Guterres, iha loron Quinta-Feira (14/08/2025) kontinua marka mós prezensa iha reunian KRO ida ne'e núdar Observadór. Reuniaun ida ne'e nafatin realiza iha sala auditorium Ministériu Finansas, Aitarak-Laran, Díli.

Iha oportunidade ne'e, nafatin kontinua ho Ministériu Administrasaun ESTATAL (MAE), liuliu Aprezentasaun orsamentu husi Prezidente Autoridade Munisipál sira.

Aprezentasaun ida ne'e akompaña direta husi Ministru Administrasaun Estatál S.E Tomas do Rosário Cabral, hodi halo introdusaun Autoridade Administrativu Munisipál ba Komité Revizaun Orsamentál durante reuniuan espesiál ba Orsamentu Jerál Estadu (OJE) 2026.

Reuniaun KRO ida ne'e Prezide direita husi Primeiru Ministru RDTL S.E Kay Rala Xanana Gusmão ne'ebé maka partisipa mós husi Vise-PM, Ministru Koordenadór Asuntus Ekonómikus no Ministru Turismu no Ambiente S.E Fransisco Kalbuadi Lay, Vise-PM, Ministru Koordenadór Asuntus Sosiais no Ministru Dezenvolvimentu Rurál no Abitasaun Komunitária, S.E Mariano Assanami Sabino, Ministra Finansas S.E Santina José Rodrigues Viegas Cardoso, Ministru Obras Públikas S.E Samuel Marçal, Ministru Planeamentu Investimentu no Estratéjiku S.E Gastão Fransisco de Sousa no mós Vise-Ministra Finansas S.E Felicia Claudinanda Cruz Carvalho. (Media_ADN)