Dili, 13/08/2025. Ajénsia Dezenvolvimentu Nasionál (ADN) liu husi Unidade Estudu Dezenvolvimentu no Kompetensias (UEDC-Sigla Portugés) iha loron tersa-feira (12/08/2025) horseik, realiza atividade Fahe Koñesimentu husi tékniku sira ne’ebé maka antes ne’e partisipa ona formasaun iha Nasaun Japaun no mós Nasaun Indonézia. Atividade ida ne’e rasik hala’o iha Tifania Esron Meeting Room, ADN nian iha Hudi-Laran, Dili.

Atividade Fahe Koñesimentu ne’e, iha materia importante rua ne’ebé maka formandu sira partilla, mak hanesan; Road Asset Management no mós Project Management ba konstrusaun Edifisiu no Irigasaun iha Rai Laran.

Fahe hikas koñesimentu ne’ebé maka hetan ona durante partisipa iha formasaun ho kolega servisu sira importante tebes, ida ne’e bele tulun aleinde fahe esperensia foun, iha oportunidade balu bele hadi'a mós dezempeñu ekipa no instituisaun nian, habelar ámbitu koñesimentu nian iha servisu fatin, no haburas kolaborasaun ne'ebé di'ak liu.

Atividade ida ne'e bele ajuda kolega sira atu hetan informasaun no abilidade foun, rezolve problema sira ho efisiente liu, no kria vantajen kompetitiva ba empreza, bele dezenvolve abilidade sira funsionáriu nian, adapta di'ak liu ba mudansa, no atinji objetivu komún sira ho efetivu liu. (Media_ADN)