Díli, 14 Juñu 2023- Diretór Ezekutivu Ajénsia Dezenvolvimentu Nasionál Institutu Públiku (ADN, I.P.) Eng. Mariano Renato Monteiro da Cruz akompaña husi koordenadora Unidade Kontrolo Validasaun no Kualidade (UCVQ) ho enjeñeiru munisípiu Díli, tékniku husi MOP no tékniku SEJD hamutuk ho Prezidente Komisaun C ne'ebé trata asuntu Finasas Públika, Deputada Maria Angélica Rangel halo inspesaun finál konjunta ba projetu konstrusaun edifísiu Organização da Juventude e dos Estudantes de Timor-Leste (OJETIL) ne’ebé responsabiliza husi kompaña Fitun Diak Lda. iha Bidau Lecidere.

Inspesaun konjunta ne’e hala’o atu ekipa tékniku sira presiza haree didiak item espesífiku sira ne’ebé presiza kompleta atu fó orientasaun ba kompaña hodi bele kompleta tuir dokumentus ne’ebé submete ba parte verifikasaun molok atu entrega projetu ba dono do projeto.

Iha biban hanesan, Deputada ne'e husu ba ekipa tékniku husi ADN no MOP atu kolabora hodi aselera finalizasaun ba projetu nune’e bele entrega tuir tempu ne’ebé determina ona iha kontratu.