DIRETOR EZEKUTIVU AKOMPAÑA MINISTRA NEGÓSIU ESTRANJEIRU HODI HALO OBSERVASAUN BA FATIN PREPARASAUN TASI-TOLU
- Publika husi: Samuel
- Loron: 06/May/2022
DIRETOR EZEKUTIVU AKOMPAÑA MINISTRA NEGÓSIU ESTRANJEIRU HODI HALO OBSERVASAUN BA FATIN PREPARASAUN TASI-TOLU
Loron-sesta, 6 Maiu 2022: Diretór Ezekutivu Ajénsia Dezenvolvimentu Nasionál, Institutu Públiku (ADN, IP) Eng. Mariano Renato Monteiro da Cruz hamutuk ho nia Adjuntu Eng. Januario M. Guterres akompaña Ministra Negósiu Estranjeiru no Kooperasaun Sra. Adaljiza Albertina Xavier Reis Magno, hodi halo observasaun ba fatin preparasaun ba serimónia investidura ba Prezidente Repúblika eleitu ba períodu 2022-2027.
Durante observasaun Diretór Ezekutivu ADN esplika ba Exelénsia Ministra ho nia ekipa sira kona-ba kada tenda no fatin hirak ne’ebé prepara atu nune’e ekipa protokolu sira bele hatene fatin ne’ebé atu simu no hatuur bainaka sira bainhira realiza serimónia ne’e.
Iha biban hanesan Adjuntu Diretór mós simu ekipa tékniku husi Parlamentu Nasionál nian ne’ebé vizita mós fatin refere hodi halo konfirmasaun meza investidura ba Prezidente Repúblika inklui fatin plenária ninian.
Alende ne’e ekipa tékniku sira mós halo limpeza jerál ba aredores fatin preparasaun hodi asegura lisu hirak ne’ebé namkari inklui mós organiza tesi ai iha fatin refere.
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;