DIRETÓR EZEKUTIVU ADN.IP HALA'O ENKONTRU HO GABINETE DIRETOR JERAL ARKIVU NASIONÁL
- Publika husi: Samuel
- Loron: 25/Apr/2022
DIRETÓR EZEKUTIVU ADN.IP HALA'O ENKONTRU HO GABINETE DIRETOR JERAL ARKIVU NASIONÁL
Loron-sesta, 22 Abril 2022: Diretór Ezekutivu Ajénsia Dezenvolvimentu Nasionál, Institutu Públiku (ADN, I.P) Eng. Mariano Renato Monteiro da Cruz, akompaña husi Adjunto Diretór Eng. Januario Maia Guterres no Xefi Departamentu Edifísiu Públiku Água no Saneamentu Arq. Franscisco Xavier de Deus Jeronimo, atualiza progresu serbisu instalasaun fatin serimónia tomada de posse Prezidente Repúblika períudu 2022-2027 nomós selebrasaun ba restaurasaun independénsia 20 maio ne’ebé sei hala’ao iha Tasi Tolu. Aprezentasaun ne’e hala’o iha salaun enkontru Ministériu Administrasaun Estatal, Díli.
Hafoin aprezentasaun Diretór Ezekutivu hateten ADN ne’ebé hola parte iha seksaun lojístka husu ba ekipa seksaun hotu-hotu atu vizita fatin preparasaun hodi bele halo koordenasaun ba malu nune’e aselera serbisu tuir tempu.
Atualizasaun progresu serbisu ne’ebé ADN halo mak hanesan aprezenta kona-ba progresu instalasaun tenda, Bandeira-rin, fatin estasionamentu nomós opsaun sira kona-ba utilizasaun Billboard iha fatin públiku liu-liu iha Tasi Tolu, nomós baner sira seluk ne’ebé sei uza iha kooredór serimónia nian.
Mídia ADN
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;